Maanso Baroordiiq ah oo uu curiyey Abwaan:Cabdixakiim Yuusuf Cali, soona baxday 29/12/2014.
“Maansadani waxa uu igu dhashay ka dib markii aan maanta maqlay geeridda ku timid xogyihii ururka saxaafadda Somaliland ee SOLJA, Waxaanay naftaydu igu dhalisay inaan wax ka yidhaahdo u dagaalanka xoriyatul qawlka iyo difaaca saxaafadda madax banaan oo uu hadh iyo jeer heeganka u ahaa;
Waxaanay ku bilaabantay:
- Inaan geeri iyo mowd
- Maxkumiin u nahayoo
- Mahuraanka aakhiro
- Ruuxba maalin tagayoo
- Macno lahayn adduunyadu
- Waa mid aynu idilkeen
- Muran li ‘I ogsoonahay
- Hayeeshee midbaa daran
- Maqalkiyo warkeeduna
- Magli kaaga daran yahay
- Ruuxba waa muggiisiyo
- Magacuu lahaayee
- Saamayta mahadhadu
- Tani weeye maantee
- Nagu kadisay murugada
- Siduu yidhi macbuudkeen
- Samir baa muhiimoo
- Xaqu waa madhaafaan
- Muuminkana ku waa jiba
- Marxuumkana ilaahbaan
- Naxariis mug weyn iyo
- Maqfir uga baryeynaa
- Maamuus iyo karaamiyo
- Meeqaam sarreeyuu
- Kamudnaa dalkiisoo
- Milaygay ahaataba
- Sooyaalku waa marag
- Aan la maydhi karinoo
- Midhihii ubeeriyo
- Dhaxalkiisa muuqdaa
- Lagu Milicsan doonaa
- Dal muraayaddiisiyo
- Mihnad qaran ku faanaa
- Waa miidhiyaha’ee
- Halkay maanta joogtee
- Caalamkuna ka marag kacay
- Raggii soo mudh bixiyee
- Mijaha ay ku socotiyo
- Midigta u ahaabaa
- Maxamed lagu xasuustaa
- Qalin aan marooriyo
- Marin habow aqoonoo
- Runtu tahay maciisaa
- Maxamed lagu xasuustaa
- Maamul iyo hogaaniyo
- Mayal iyo aftahannimo
- Margashada aqoonbaa
- Maxamed lagu xasuustaa
- Geesi aan mildhaabinoo
- Ka maagayn xaqiiqdoo
- Meeshii tabaysaba
- Qalin ugu miciinaa
- Maxamed lagu xasuustaa
- Muwaadin xaqiiqoo
- Noloshiisa mudo dheer
- Ku macsuumay qarankoo
- Guusha mahadin jiraybaa
- Maxamed lagu xasuustaa
- Miisaan caddaaliyoo
- Magac iyo qabiiliyo
- Marna eex aqoonoo
- Usinnaa mujtamacaa
- Maxamed lagu xasuustaa
- Marinkii rasuulkiyo (SCW)
- Addoon diinta maloo
- Martabeeya khayrkoo
- Muujiya samaantaa
- Maxamed lagu xasuustaa
- Muggii uu lahaa iyo
- Maanso kaalintiisii
- Marna koobi maysoo
- Hadal waa mid iyo laba
- Hadaad socotay maantoo
- Rashiidow min aakhiro
- Kaa yeelay mawluhu
- Ducaan maca salaamee
- Magan kaaga dhigayaa
- Marka iilka lagu dhigo
- Mawleheen su’aashiyo
- Macnaheeda kuu sahal
- Marinada jannada iyo
- Lagu mari dariiqii
- Ahlu muuminiintoo
- Inta meel lajoogtee
- Maxamedow rasuulkii (SCW)
- Madashiisa lagu simay
- Kamid noqo insha allaah