Hargeysa (SLpost)- Wasiirka Wasaaradda Warfaafinta, Wacyigelinta iyo Dhaqanka Somaliland Cabdiraxmaan Guri-barwaaqo, ayaa wareegto uu maanta soo saaray waxa uu Shaqo ka-joojin iyo Ganaax dhan Saddex bilood oo mushahar la’aan ah ku rogay 24 ka mid ah Shaqaalaha wasaaraddaas.
Shaqaalahan oo isugu jira masuuliyiinta dhawaan laga qaaday xilal ay hayeen iyo hawl-wadeenno kale, ayaa dhawaan cabasho ay ka muujiyeen Isku-shaan-dheyntaas oo ay ku dhaliileen wasiirka wasaaradda oo ay farriin u mariyeen warbaahinta madaxa=bannaan.
Wareegtada anshax-marinta ah oo ka soo baxday xafiiska Wasiirka, ayaa lagu socodsiiyey dhammaan 24 shaqaalaha ah iyadoo ogeysiin la siiyey Madaxda Wasaaradda, Xeer ilaalinta Qaranka, Xisaabiyaha Guud iyo Hay’adda Shaqaalaha Dowladda oo dhammaantood ah hay’ado ay quseyso tallaabada shaqo ka joojinta iyo mushahar la’aanta lagu ganaaxay.
Waa kale oo wareegtada Wasiirka lagu sheegay in go’aanka rasmi ah la gaadhi doono kaddib marka ay dhammaato muddada ku xusan wareegtadan.
Magacyada Shaqalaha ayaa kala ah sidan:_
- Abiib Iimaan Xasan
- Maxamed Xuseen Cali
- Mowliid Maxamed Shaqalle
- Cabdirisaaq Cismaan Maxamed
- Xasan Maxamed Muuse
- Khaalid Sacad Muuse
- Maxamed Cabdilaahi Sh. Cismaan
- Khadar Xuseen Siciid
- Nuur Cumar Jaamac
- Cabdiqaadir Xuseen Nuur
- Ismaaciil Maxamed Cakulle
- Daa’uud Xuseen Xiirey
- Maxamed Ciise Aadan
- Cabdiraxmaan Saleebaan Caynaan
- Nimcaan Axmed Dagaal
- Cabdiraxiim Muuse Yuusuf
- Xasan Ismaaciil Maxamed
- Mustafe Cali Xasan Case
- Saynab Maxamed Cabdi
- Maxamed Muuse Banjiidh
- Yuusuf Maxamed Ismaaciil
- Axmed Xuseen Warsame
- Cali Axmed Cawaale
- Cabdisitaar Cabdilaahi Cali
Tallaabadan, ayaa noqonaysa Markii u horeysay ee go’aan noocan ah lagu fuliyo shaqaale intaas le’eg oo ka tirsan Wasaaradda Warfaafinta Somaliland oo ah hay’adda ugu muranka iyo khilaafka badan wasaaradaha dalka.
