Hargeysa (SL.Post) Warsaxafadeed uu maanta soo saaray Xoghayaha guud ee xisbiga mucaaridka ah ee WADDANI Maxamed Cabdilaahi Uuracde, ayaa lagu sheegay in shirkii golaha dhexe ee xisbigaasi dib loo dhigay muddo todobaad ah.
Warsaxafadeed uu soo saaray Xoghayaha guud ee xisbiga WADDANI oo gaadhay shabakada Somalilandpost.net, ayaa u dhignaa sidan: –
“Iyada oo Guddiga Golaha Dhexe ee Xisbiga WADDANI hore u iclaamiyey in shirka Golaha Dhexe ee Xisbiga WADDANI qabsoomayo 1-2 October, 2016.
Waxaa lagu war-gelinayaa dhammaan Laamaha dibedda, gobollada iyo degmooyinka dalka Jamhuuriyadda Somaliland iyo dhammaan xubnaha Golaha Ghexe ee Xisbiga WADDANI in arrimo farsamo awgeed dib loogu dhigay qabshada shirka Golaha Dhexe ee Xisbiga WADDANI 10-11, October 2016.
ALLAA MAHAD LEH
_________________________________
Md. Maxamed Cabdillaahi Uurcade
Xoghayaha Guud ee Xisbiga WADDANI