Waxaa maanta guud ahaan Somaliland iyo caalamka si weyn looga xusayayaa 35 guurada kasoo wareegtay dib ula soo noqoshadii madax-bannaanida Somaliland ee 18 May 1991, iyadoo munaasibadda sannadkan si gaar ah uga duwan tahay xusaskii hore marka loo eego xaaladda siyaasadeed, xidhiidhka caalamiga ah iyo niyadda shacabka Somaliland.
Xuska 35 guurada kasoo wareegtay dib ula soo noqoshadii madax-bannaanida Somaliland ayaa sannadkan ku soo beegmay jawi siyaasadeed, diblomaasiyadeed iyo istaraatiiji ah oo si weyn uga duwan dhammaan xilliyadii hore ee Somaliland soo martay tan iyo 1991.
