Hargeysa (SLpost) — Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa maanta oo ay taariikhdu tahay 16-ka Janaayo 2025 soo saaray wareegto Madaxweyne oo summadeedu tahay JSL/XM/WM/222-035/012025, taas oo uu ku magacaabay masuuliyiin cusub oo ka tirsan Baanka Dhexe, Hay’adda Shaqaalaha Dawladda iyo hay’ado kale.
Wareegtada Madaxweynaha ayaa lagu magacaabay masuuliyiin hoggaamin doona Baanka Dhexe ee Jamhuuriyadda Somaliland, iyadoo xilalka loo kala magacaabay sidan:
- Cabdinaasir Axmed Xirsi Maxamed — Guddoomiyaha Baanka Dhexe ee Jamhuuriyadda Somaliland.
- Xamse Cabdiraxmaan Kheyre Coofle — Guddoomiye Ku-xigeenka Baanka Dhexe.
- Aasiin Jaamac Axmed Shide (Calase) — Agaasimaha Guud ee Baanka Dhexe ee Jamhuuriyadda Somaliland.
Sidoo kale, Madaxweyne Cirro ayaa magacaabay masuuliyiinta cusub ee Hay’adda Shaqaalaha Dawladda, waxaana xilalka loo kala magacaabay:
- Cabdicasiis Xirsi Warsame Geelle — Guddoomiyaha Hay’adda Shaqaalaha Dawladda.
- Xasan Xuseen Cabdi (Xaydar) — Guddoomiye Ku-xigeenka Hay’adda Shaqaalaha Dawladda.
- Cabdirashiid Maxamed Warsame — Xubin ka tirsan Guddida Hay’adda Shaqaalaha Dawladda.
Waxa kale oo xubno ka tirsan Guddida Hay’adda Shaqaalaha Dawladda loo magacaabay Maxamed Axmed Xasan Jabarti Saadle, Sakariye Cabdiraxmaan Ismaaciil Carraale, Ibraahim Ducaale Boos iyo Mustafe Maxamed Cawil Diiriye.
Magacaabistan ayaa qayb ka noqonaysa isbeddellada maamulka iyo dib-u-habaynta hay’adaha dawladda ee uu Madaxweynaha Somaliland ku sameynayo muddada uu xilka hayo.
Wareegtada ayaa dhaqan-galaysa laga bilaabo taariikhda uu Madaxweynuhu soo saaray, iyadoo masuuliyiinta cusub laga filayo inay gutaan waajibaadka loo igmaday si waafaqsan xeerarka iyo siyaasadaha hay’adaha ay hoggaaminayaan.
