Hargeysa (SLpost)- Madaxweynaha Somaliland Md Axmed Maxamed Maxamuud (Siilaanyo), ayaa xalay isku-shaandheyntii ugu ballaadhan ku sameeyey Golihiisa Xukuumadda, isaga oo masuuliyiin hore uga tirsanaa xukuumaddii UDUB ku soo daray golihiisa Wasiirrada
Sida lagu sheegay Warsaxaafadeed ka soo baxay Xafiiska Afhayeenka Madaxtooyada Axmed Saleebaan Dhuxul, waxa uu Madaxweyne Siilaanyo xilka ka qaaday Wasiirrada Wasaaradaha Arrimaha Gudaha, Maxamed Nuur Caraale (Duur), Warshadaha, Cabdirisaaq Cali Cismaan, Caafimaadka, Dr. Xuseen Muxumed Maxamed (Xoog), Boosaha iyo Isgaadhsiinta, Cali Cilmi Geelle. Wasiir Ku-xigeenkii Hore ee Wasaaradda Ganacsiga, Aaden Diiriye Cigaal, Wasiir Ku-xigeenkii Hore ee Wasaaradda Waxbarashada iyo Tacliinta Sare, Cali Xaamud Jibriil.
Md Siilaanyo waxa uu xilal u magacaabay shakhsiyaad ku cusub saaxadda Siyaasadda Goleyaasha Xukuumadda, halka uu sidoo isku beddel ku sameeyey xilalka masuuliyiin hore uga tirsanaa xukuumaddiisa.
Wasiirkii hore ee Wasaaradda Kalluumaysiga iyo Kheyraadka Badda Cabdilaahi Jaamac Cismaan Geeljire, ayaan lagu xusin digreetada madaxweynaha in Xilka laga qaaday, sidoo kale laguma xusin xil cusub oo loo magacaabay.
Masuuliyiinta uu Xilalka u magacaabay Madaxweynuhu
1. Wasiirka Wasaaradda Arrimaha Dibedda, Maxamed Biixi Yoonis
2. Wasiirka Wasaaradda Arrimaha Gudaha, Cali Maxamed Warancade
3. Wasiirka Wasaaradda Deegaanka, Shugri X. Ismaaciil Baandare
4. Wasiirka Wasaaradda Kalluumaysiga iyo Khayraadka Badda, Cali Jaamac Faarax (Buureed)
5. Wasiirka Wasaaradda Boosaha iyo Isgaadhsiinta, Maxamed Jaamac Abgaal
6. Wasiirka Wasaaradda Dib-u-dejinta, Axmed Cabdi Kaahin
7. Wasiirka Wasaaradda Xidhiidhka Goleyaasha, Cilmi Baadhista iyo Technology-yada, Aaden Axmed Warsame
8. Wasiirka Wasaaradda Biyaha, Xuseen Maxamed Cabdille
9. Wasiiru-dawlaha Wasaaradda Madaxtooyada, Maxamed Muuse Abees
10. Wasiiru-dawlaha Nabadaynta iyo Horumarinta Gobollada Bari, Cali Maxamuud Axmed (Sandule)
11. Wasiiru-dawlaha Wasaaradda Waxbarashada iyo Tacliinta Sare, Axmed Nuur Faahiye
12. Wasiir Ku-xigeenka Wasaaradda Qorshaynta Qaranka iyo Horumarinta, Xasan Daahir Dhinbiil
13. Wasiir Ku-xigeenka Wasaaradda Beeraha, Aaden Ibraahin Yuusuf Ashqar
14. Wasiir Ku-xigeenka Wasaaradda Shaqada iyo Arrimaha Bulshada, Shugri Xariir Ismaaciil
15. Wasiir Ku-xigeenka Wasaaradda Warfaafinta, Cabdiwaaxid Cabdiraxmaan Cabdiqaadir
16. Wasiir Ku-xigeenka Wasaaradda Gaashaandhigga, Cabdi Daahir Camuud
17. Wasiir Ku-xigeenka Wasaaradda Ganacsiga iyo Maalgashiga, Bashiir Cabdi Xariir
18. La-taliyaha Madaxweynaha ee Arrimaha Doorashooyinka iyo Asxaabta (Wasiirkii Hore ee Wasaaradda Hawlaha Guud, Guriyeynta iyo Gaadiidka), Axmed Cabdi Maxamuud (Xaabsade)
19. La-taliyaha Madaxweynaha ee Arrimaha Garsoorka iyo Cadaalada (Wasiirka Hore ee Wasaaradda Deegaanka), Maxamuud Siciid Maxamuud (Gacamey)
Masuuliyiinta uu Madaxweynuhu Xilalkii Ay Hayeen Uu Ka Beddelay, Una Magacaabay Xilalkan:
1. Wasiirkii hore ee Wasaarada Dib-u-dejinta Saleebaan Ciise Axmed (Xagla-toosiye), waxa loo bedelay (Wasaaradda Caafimaadka)
2. Wasiirkii hore ee W/Ganacsiga, Cabdirisaaq Khaliif Axmed, waxa loo bedelay Wasaaradda Hawlaha Guud, Guriyeynta iyo Gaadiidka,
3. Wasiirkii Hore ee Arrimaha Dibeda, Dr. Maxamed Cabdilaahi Cumar, waxa loo beddelay (Wasaaradda Ganacsiga iyo Maalgashiga)
4. Wasiir ku xigeenkii hore ee W/faafinta Cabdilaahi Maxamed Daahir (Cukuse) waxa loo magacaabay Wasaaradda Warfaafinta, Dhaqanka iyo Wacyigelinta).
5. Wasiirkii hore ee W/faafinta, Abiib Diiriye Nuur (Timacade), waxa loo bedelay (Wasaaradda Warshadaha)
6. Wasiirkii Hore ee Wasaaradda Kalluumaysiga iyo Khayraadka Badda Cabdilaahi Jaamac Cismaan (Geeljire)
7. Wasiirkii Hore ee Wasaaradda Hawlaha Guud, Guriyeynta iyo Gaadiidka Axmed Cabdi Maxamuud (Xaabsade) waxa loo magacaabay (La-taliyaha Mdaxweynaha ee Arrimaha Doorashooyinka iyo Asxaabta)
8. Wasiirka Hore ee Wasaaradda Deegaanka Maxamuud Siciid Maxamuud (Gacamey) waxa loo magacaabay (La-taliyaha Arrimaha Garsoorka iyo Cadaalada)
Masuuliyiinta uu madaxweynuhu Xilalkii Ay Hayeen Ka Nasiyey
1. Wasiirkii Hore Wasaaradda Arrimaha Gudaha, Maxamed Nuur Caraale (Duur)
2. Wasiirkii Hore ee Wasaaradda Warshadaha, Cabdirisaaq Cali Cismaan
3. Wasiirkii Hore ee Wasaaradda Caafimaadka, Dr. Xuseen Muxumed Maxamed (Xoog)
4. Wasiirkii Hore ee Wasaaradda Boosaha iyo Isgaadhsiinta, Cali Cilmi Geelle
5. Wasiir Ku-xigeenkii Hore ee Wasaaradda Ganacsiga, Aaden Diiriye Cigaal
6. Wasiir Ku-xigeenkii Hore ee Wasaaradda Waxbarashada iyo Tacliinta Sare, Cali Xaamud Jibriil.
SOMALILANDPOST.NET