HARGEISA (SLpost) — Taliyihii hore ee Ciidanka Qaranka Somaliland, Mujaahid Maxamed Xasan Cabdillaahi (Jidhif), ayaa fariimo kala duwan u diray murashaxiinta saddexda xisbi siyaasadeed iyo shacabka Somaliland, isagoo sidoo kale ka hadlay doorka saraakiisha ciidamada ee xilliyada doorashooyinka.
Mujaahid Jidhif ayaa sheegay in saraakiisha ciidamadu ay dhexdhexaad ka yihiin xisbiyada siyaasadeed, isla markaana ay waajib ku tahay inay ilaaliyaan amniga iyo xasilloonida dalka.
Waxa uu sidoo kale bogaadiyey sida ay xisbiyada iyo shacabka Somaliland uga qaybqaateen ololihii doorashada, isaga oo ku ammaanay habkii loo qabtay iyo sida ay bulshada uga qaybqaadatay geeddi-socodka siyaasadeed.
Dhanka kale, Taliyihii hore ee Ciidanka Qaranka ayaa jawaab ka bixiyey hadallo iyo tallaabooyin uu ku tilmaamay kuwo ka soo baxay Maamulka Puntland, isaga oo farriin u diray dhinacyada ay khusayso.
Jidhif ayaa ugu dambayn ugu baaqay murashaxiinta iyo taageerayaasha xisbiyada inay ilaaliyaan nabadda, sharciga iyo wadajirka bulshada Somaliland.
Halkan Hoose Ka Daawo Muuqaalka
