Maqaal xiiso badan oo murti xambaarsan
- Qurba joogiyo qodaal jooguba
- Laba weeyi qiraala
- Inay qayb ka yihiin
- Qarankan maanta aan joogno
- Qormo ay ku kulmeena
- Salaan qiima lahoo
- Qalbi saafiyi dhiibay
- Qosolna ay ku dareen
- Qaxwihiina la raacshay
- Waxay soo qadimeen
- Kaftan qaayo lahoo
- Taladii qarankeeniyo
- Quruskooda ku saabsan
Qurba joog. Maxaynu kala raagnay oo maxaan kaftankaagii iyo xog warankaagii u darsaday maxaad war haysaa maanta.
Qodaal joog. Martiyi iyadoo kaa war roonbay ku waraysataaye xageen kaaga waramaa ?
Qurbo joog. Warka maanta aad ii xiiso galin lahaa ee aan jecelahay in aad
Iiga waranto waa safarkii madax,waynuha soomaaliland ku tagay gobalada awdal iyo gabiley.
Qodaal joog .safarkii madaxwaynuhu waxa uu ku soo beegmay maalintii Ku begnayd sanad guuradii koowaad ee mudada uu xilka hayay in kasta oo uu gobolka gabiley ahaa gobalkiii markii uu murashaxa iyo gudoomiyaha xisbiga kulmiye ahaa ugu soo dhawaynta badnaa mar kale waxa uu noqday deegaankii ug horeeyay ee qaar ka tirsan dadwaynahoogu si toosa ugu muujiyaan diidmo qayaxan.
Qurba joog .waar maxaad leedahay waarbal si mugleh iigu faahfaahi tabashdan reer gabiley ee raadka togan raadka togan reebtay
Qodaal joog. Gabaygani wuxuu si mug leh u iftiiminayaa wararkii guud ahaan ku xeernaa safarkii madax,waynaha Somaliland ku tagay gobalada awdal iyo gabiley waxaanu si gaara u iftiiminayaa dhacdadii gabiley oo ay ka dhex muuqdeen arimo badan sida gabaygani tilmaamayo.Gabaygan waxa magaciisa la yidhaa safarkii madax,waynuhu gabiley ku tagay .Mar kale wuxuu gabaygani tilmaamayaa af duubkii xildhibaanada golaha wakiilada iyo siyaasiyiinta gobolka ka soo jeedaa kula keceen dadwaynaha reer galiley gaar ahaan dhlinyarada waxaanan.filayaa in aadwax ka fahmi doonto dhamaan tabashada reer gabilay
- Gabaygaan tiriyay iyo murtidaan manta tabinaayo
- Tixdaan marinaayo iyo tuducyadaan meershay
- Togag baan rogaa maansada markaan taabto midhaheeda
- Safarkii madax,waynuhu gabiley ku tagay ee kabaha loo taagay
- Ee madax,waynuhu tahniyad uu filanayiyo soo dhawayn taama ah oo buuxda
- Iyo ragii gabiley taakada u dhigee taatikada la ciyaaray
- tubtay qaadeen ragii gobalka lagu ogaa iyo tuhunkii beenoobay
- Alaylehe rag bay rabshaduba tarmiiskooda tehee taana ma ogaanay
- Aniguna tiyaatarkii warkaan ahee hadaan taararka ku qaybshay
- Warkaan tabinaayo iyo sheekadan gabaygu tuugaystay
- Ragii taytalka sare hayee hadana bulshada taytanada u qaybshay
- Ee dadwayna tashwiishka ku furee ee dalabaday tiimam xoojina e Tabashadii ree gabiley ee raadka togan reebtay
- Inkastooy turxaan badan lahayd oon talaxtagaa diiday
- Alaylehe turaanturooyinkii loo dhigay ka badan toban umuuroode
- Aniguna maalintaa tacliintaantaan bartay iyo tobabarkaan qaatay
- Afrtii madaxwaynaha tamcada u dhigay ayuu mid kamid ahi sii taraaraxaye
- Ma tirtiray codsi tartiib loo qoroo taabtay boogaha ee
- Dhalintoo wada tig,tigan oo cadhadu tankii loogu talo galay dhaaftay
- Oo rag aan ogahay taayirkana marsheen oo wada tabaalaysan
- Oo taraaraha wajigoodii ku yaal taaga ka arkaysid
- Alaylehe rag aan ogahay tafaraaruqay jecelyihiine taana ma ogaaday
- Isaguna wadaadkaan tiriig noo ifiyo tiirka u aqaanay
- Mar haduu la tashaday rag aan ogahay oo uu turubka la ciyaaray
- Alaylehe talaalkii xumaantaa ku dhacay oo wuu is tafaafulaye
- Aniguna tacsidii hankiisii madaxtinimaan dhigee taana ha ogaado
- Tiro koobkii codadkii kulmiye iyo tiradii guusha lagu gaadhay
- Ee ay dhalintuna ahayd tareenkii wadee guusha lagu taabtay
- Diwaanka taariikhday ku qorantee taana ha ogaado
- Mar haduu tahdiid igula kacay iyo tacadi aanan filanayn
- Maah,maah baa tilmaantee hadaan toogta ku jiheeyay
- Dhaliilaha u tuulan hadaan tooshka ku iftiinshay
- In kastoon tudhaal ugu daroon dhaliish teel teelay
- Talantaali baan ula dhecee haduu taaha badin waayo
- Dad waynahaan manta tusayaa tamar yaraantiisa
- Talo quruxsan iyo mayaqaan toosin waano ehe
- In kastoo uu taraaraxay oo uu hadalka taag taagay
- Oo sidii sarkaalkii tuke igu amar ku taagleeyay
- Oo askari daalanoo tareerin ku jiray sii tukhaantukheey
- Ama taliskiii daraawiisha oo sayidkii taleex kula cawaynaaya
- Alaylehee tusaaluu u yahay kalidii talisyadii hore ee joogay
- Tarabuunka markuu igu arkuu tiifta igu reebay
- Istixgalintuu ku roonyahay tolkuba taag uu leeyahaye
- Isaguna tolka wuxuu ku gaadhaa halkuu tiigso leeyahaye
- Ma takooray dadkii taageeray ee taaga sare saaray
- Tolaayeeyda waaguu lahaa ee uu codadka tuugaayay
- Anagoo ogsoon inuu tiin qodaxle yahoon gacmaha taabsiinay
- Alaylehe tolkuunbaa badhi taroo talax gabkii eegay
- Tacabkii dhalinyaraduu aasay ee uu toolka ku adkeeyay
- Alaylehe taran ka nax buu lahaa kii tooda kala tuuray
- Taageerayaal badan buu rabay inay talaabaane
- Alaylehe taasina way u martee taana ha ogaado
- Olalihii lagu tartamee ee guusha lagu taabtay
- Alaylehe tuushka wuu cararayee taana ha ogaado
- Tirtirsiga maalintii nin raga la tabay uu muuqday
- Is tamceeye waa lagu yiqiin talo xumaantiisa
- In kastoo uu siyaasada tahriib ku yimid tigidhna soo goosan
- Mar hadaan tignikadaydii soo kacshoon taangiyada istaadhay
- Alaylehe tarxiilbuu siyaasada ka yahay halkuu tagayo yeelkiiye
- Intaasaanan taxliil uga dhigay markaan iskaga taag waayay
Waa qalinkii abwaan sacad xaaji maxamuud gadhle tell 4669910
