Waxaynu ogsoonahay kaalinta xooluhu kaga jiraan dhaqaalaha iyo suuqyada ganacsiga dalkeena iyo cashuurta adag ee Dawladu ka hesho.
Hadaba Waxa sanadkii xoolaha dalkeena dib loogu celiyaa mar keliya oo talaal ah(one vaccination campaign)oo FAO maalgeliso 100% iyo daawayn labadii Sano Hal mar ah oo laga fuliyo 3da gobol ee bariga (Togdheer, sool iyo sanaag) oo ay Maal geliso hayada bisha cas 100%.
Mana aha wax ku filan, sababta ay ku timina waa mid isweydiin mudan.
1. Ma Aqoonta masuuliyiinta ugu sareysa Wasaarada ayaa ah mid keeni kara dayaca haysta xoolaha
Inkastoo ay haboonayd in Mishiinka shaqada Wasaaradu uu ahaado Qof aqoon u leh xoolaha.
2. Ma wasaarada ayaan lahayn miisaaniyad lagu sameeyo treatment and vaccination campaigns, si looga talaalo xanuunada tirada badan ee ganacsiga saameeya. (Joojiya)
3. Ma Dhakhaatiirta xoolaha ayaa kaalintoodii gabbay siiba Dhakhaatiirta xoolaha ee wasaarada ka hawl gala sida, Agaasime waaxeedyada iyo Veterinary Board-ka.
Maadaama ay yihiin kuwa Madaxda Wasaaradu ka talo geliso Hawlaha daryeelka iyo caafimaadka xoolaha.
Iyagoo lagu tuhmayo aqoontii loo baahnaa.
Hadaba.:-
. Mudane wasiir waxaan kaa filaynaa inaad wasaaradan LNGO noqotay ee hayado wax ka sugaysa aad budget u samayso si xoolaha loo daryeelo.
Waa hadii aanay lahayn wax ku filan.
. Mudane Wasiir waxaan ku ogaysiinayaa in lagaa filayo isku shaandhayn aad ku sameyso dhamaan waaxyaha wasaarada, si meesha Looga saaro musuqa iyo hufnaan la,aanta shaqo ee ragaadiyey wasaarada.
. Si aad u samaysato team adag oo firfircoon si ay kuugu garab siiyaan masuuliyada iyo Xilka ku saaran.
. Iyo Inaad kootada ka saarto veterinary Board-ka oo dhawr Qof ay ku adeegtaan una noqdo mid u furan dhamaan bahda Dhakhaatiirta xoolaha.
Veterinary Board-ku maaha inay ku mashquulaan Dhakhaatiirta kale ee waa inay talo ku lahaadaan hawlaha wasaarada iyo xiliyada ku haboon xanuunada la talaalayo si aanay u dhicin in xanuun xoolaha ku jira talaal la siinin, Ama wakhtigay dawada u baahnaayeen uga dib dhicin.
Xoolaheenu daryeel iyo
Xanaanay doonayaan
Duunyadeenu dhaqashiyo
Daawo ayay rabaan
Ruux danayste ahoo
Dollar raadinayay
Dudo ula hoydaan
Dugsi kula jiraane
Ruux Daryeel u fidiyoo
Samorin dilaalin
Oxy-dana daadin
Markay duugawdee
Wakhtigeedu dam yidhi
Daacuflaha walwaaloo
Dabka ku soo shidee ogow
By Abdifatah Ali Adan ( Xaad )