Hargeysa (SLpost)- Wasiirka wasaarada wershadaha Md Abiib Diiriye NuurIyo Agaasimaha Guud ee wasaaradaasi, ayaa maanta ka qayb galay, Kulan Guud oo ay isugu yimaadeen Daneeyayaasha arimaha wershad-layda, kaasi oo lagu qabtay Huteel maansoor ee Hargeysa.
Kulanka oo lagu arrinsayay Dhibaatooyinka Guud ahaan haysta wershadlayda,Waxa ugu horayn halkaa ka qaybgalayaasha ugu soo bandhigay dhibaatooyinka ay wershadlaydu ka cabanayso.
Gudoomiyaha Ururka wershadlayda Maxamed sh.Cumar, waxa uu sheegay in dhibaatooyinka wershadaha haysta ay ka mid yihiin:iyada oo aanay jirin siyaasad cad oo lagu wado wershadaha dalka.. iyada oo aanuu jirin baan horumarineed oo ay wershaduhu wax ka sii amah-daan, kana furtaan L.C-yada.
Waxa kale oo uu Gudoomiyaha wershadlaydu sheegay, inay haystaan oo kale dhibaatooyin dhinaca korontada iyo biyaha ah ,waxaanuu xusay in wershad kastaa ku tiirsan tahay dab-dhaliyayaasheeda,Waxaanuu Gudoomiyaha wershadlaydu tilmaamay in aanay haysan wax qiime dhimis ah xagga shidaalka marka ay haamaha ka soo iibsadaan.
Waxa kale oo uu xusay in ay haysato suuq la’aani wershadaha, suuqa keliya ee ay haystaana uu yahay gudaha dalka oo keliya. Waxaanuu inta ku ladhay in dhibaatooyinka ugu waaweyn ee wershadlaha la deriska ahi ay tahay qalabka dayac-tirka wershaduhu u baahan yihiin oo ay mar kasta dibadda u doontaan kharash iyo waqti badanina kaga baxo, Iyo iyada aanay jirin oo kale kala xadaynta wershadaha oo layska daba keenayo iyaga oo wax isku nooca soo saaraya sida wershadaha biyaha oo kaleWaxaanuu Gudoomiyhu ku baaqay in wershadaha inta hadhay ee shaqaysa ay u baahan yihiin inay dedaal lagula shaqeeyo u sameeyaan daneeyayaasha wershaduhu si aanay intooda hadhay u xidhmin.
Wasiirka wasaarada Wershadaha Mud,Abiib Diiriye Nuur ayaa isna hal-kaasi ka soo jeediyey hadalo ku saabsan sababta qabashada kulankan iyo sida loo baahan yahay waxaanuu tilmaamay in wershado xukuumiyi aanay jirin balse ay shacabku leeyihiin wershadaha jirin. Isaga oo farta ku fiiqay xoolihii noolaa ee aynu ku tiisanayna ay sii yaraanayaan .iyada oo loo baahan yahay ayuu yidhi in wershadaha la sii kobciyo oo la kordhiyo.waxyaale badan uu ka garaabay inay wershadaha haystaan.
SOMALILANDPOST.NET