Hargeysa (SLpost)- Masuuliyiinta Xisbiga Mucaaridka ah ee Wadani ayaa si adag ugu dhaliilay Xukuumada uu Hogaamiyo Madexweyne Siilaanyo Arimo door ah oo ay hordhac uga dhigeen dayaca lagu sameeyay Rag Door ah oo Siyaasiyiin ah oo kazoo Jeeda Gobolada Sool sida Siyaasiga Axmed Cabdi Xaabsade oo sheegeen in aan lagala tashan Arimaha Deegaankiisa islmarkaana, Guuritaankiisa Wakhtigani sabab u ahaa Arimihii Shirka Khaatumo oo laga horjoogsadey in ay doorkooda ka ciyaaraaan ama talaabo ka qaadaan iyo waliba Arimo badan oo ku saaabsan talada Deegaamada Gobolka Sool.
Masuuliyiinta Xisbiga Waddani ayaa arrintan kaga hadlay shir-jaraa’id oo ay ku qabteen magaalada Hargeysa.
Xoghayaha Guud ee Xisbiga Mucaaridka ah ee Wadani Maxamed Cabdilaahi Uurcade oo ugu horeyn ka Hadley arimaha Wakhtiga xaadirkan ku foorara Xukuumada Madexweyne Siilaanyo ee ay sida Weyn ugu fashilan tahey islamarkaana, loo baahan yahey in ay hogaanka dalka iskaga dhiibto Shacbigii Soo Doortey sida uu hadalkiisa u dhigay waxa kamid ahaa hadaladiisa; “Hadaanu nahey Xisiga Mucaaridlka ah ee Wadani waxaanu maanta halkan kaga hadleynaa dhawr arimood oo dalka Dhibaato weyn ku haya oo ay Xukuumada Somaliland ee maanta talada haysaa hormood ka tahey, oo ay Xukuumadani ku fashilantey islamarkaana, u baahan in Bulshada loo bandhigo , waxaad ogtihiin in Xuduudihii dallalka dariska ah ee aynu walaalaha aheyn ee Jabuuti iyo Itoobiya in la xidhay oo ay imika mudo dheer xidhnaayeen, dadkuna ay yihiin dad walaalo ah oo wax ka dhexeeyaana aanay jirin,Xidhitaankaa Xuduudahana waxaa u sabab ah Maamul Xumada maanta jirta ee Somaliland katalisa,iyo xidhiidh xumada ay la samaysay dowladhaasi oo ka duwan qaabkii hore ee aynu ula dhaqmi jirney dowladahaa aynu jaarka aheyn,aad iyo aad ayaanu uga xunahay,” ayuu yidhi.
“Waxaananu Xukuumada usoo jeedinaynaa Wadani ahaan iyadoo ay Xuduudihii xidhan yihiin dhinac Walba oo badii xidhan tahey,iyo Cirkii oo ay Soomaaliya la wareegtay oo ay Somaliland kujirto meel aanay waligeed iyo alheed gaadhin ilaa maalintii lagu dhawaaqay,aad iyo aad ayaanu uga xunahay waxaanu usoo jeedinaynaa in ay Xukuumadu ama si dhakhs ah dadweynihii doortey talada gacantooda usoo celiso ama ay si dhakhso ah waajibkii ay laheyd u gudato oo furto xuduudihii dalalka jaarka ah Somaliland waa Somaliland haday tahey hawo iyo hadey tahey Badd, iyo hadey tahey Bariba ama waxaanu ta yeelaynaa ta Un ama Waxaanu yeelaynaa ta caynkan ma aha wixii loo igmadey taasi ee Somaliland waa Somaliland,”ayuu yidhi Maxamed Uurcade, isaga oo intaas ku daray eedayn uu ku duray Xukuumada Madexweyne Siilaanyo in ay dabada ka riixayso Qabyaalada wakhtigan xaadirka ah meel xasaasi ah ka mareysa Guud ahaanba Dalka Somaliland.
DAAWO HADALKOODA