Aniga oo tix raaxaya hadalkii ka soo yeedhay xildhibaan Shaadh oo ka mid ah golaha guurtida kuwooda xalka ah, hadalkiisa oo uu wax kaga sheegay wasiirka Duulista Hawada Iyo Gaadiidka Cirka S/land Md. Maxamuud Xaashi Cabdi, oo uu Shaadh ku tilmaamay nin danayste ah, wasaarada duulistana sharci darro ku iibinaya.
Hadaba waxaan leeyahay Shaadh waxa kaa qaylaalsiiyey waa la garanayaa, waxaadna kala garan la’dahay in xukuumadda maanta jirta uu hoggaamiye madaxweyne Siillanyo iyo in weli Rayaale Taliye, tusaale ahaan Shaadh wuxuu ka mid ahaa raggii fara ku tiriska ahaa ee dhaameelka ka qaadan jirey xukuumaddii Rayaale.
Maantana layaab malaha Shaadh oo wuxu raaadinayaa wixii uu horey u bartay mana oga in xukuumadda uu hoggaaminayo madaxweyne Siillaanyo, ay tahay xukuumadda ummadda u shaqaynaysa, balse aanay raali gelinayn shaqsi xaaraani meel tirtay.
Aniga oo aan waxba ku fogaanayn taariikhda madaw ee Shaadh ku leeyahay bulshada dhexdeeda , waxaan odhan lahaa waxaad sheeganaysaa xildhibaaan sharaftii iyo kaaraamadii xildhibaanimona meel baad kaga dhacday, adiga oo aflagaadeeyey masuul qaran oo kaa sharaf iyo karaamo badan adiga oo weliba la qaylinaya wasiir Maxamuud Xaashi dad hay shaqaalayso, BAROORTU QORGIGA KA WEYN.
Ogaw shaadhow in aan qof la iska shaqaalayn Karin iyada oo loo maro sifo sharci taasoo ah in hay’dda shaqaalaha dawladu qofkaa sharci hayso, adna waxaad leedahay oo kaa qaylaal siinaya dad sharci darro ha la iigu shaqaalaysiiyo.
Waxaan kale oo aan kula yaabay Shaadh isaga oo xildhibaan sheeganaya ayaanu haba yaraatee aanu waxba ka garanayn nidaamka dawladnimo, xukuumadda iyada ayaa ka masuul ah hantida danta guud, sidoo kale xukuumadda ayaa awood leh in ay dhulka danta guud iibiso, iibsato, kirayso iyada oo u maraysa habka sharci oo ah in hantida la la iibinayo ay baahiyaan guddida qandaraasyada qaranka, sida ay imikaba gacanta ugu hayaan ee ay u baahinayaan dhismaha waarada duulista Hawada.
Hadaba waxaan odhan lahaa Shaadh anigu magacaaga kuugu dari mayo magaca ku lamaan, waayo afkayga ma soo marin karayo, laakiin waxaan ku leeyahay haddii aad doonaysid in aad wax ka sheegtid masuuliyiinta qaranka ka soo bax meelaha xun xun ee aad ku jirtid haddii aad in uun u tudhayso sharaftaada, ta labaad haddii aad cid wax ka sheegaysid waxba ha ka sheegin in ku o goo dhaqankaaga xun yaqaana, balse wax ka sheeg dadka aan ku aqoon.
Waxaan ku soo koobayaa maqaalkayga Xildhibaan Shaadhow Nin Calool Galkaagii Ogaa, Haatanse Ciroobey Oo Sir Iyo Caad Kuu Yaqaan Lagama Ceebdoono.
Wasiirka Duulista Hawada ee aad ku khaldan tahay waa wasiir kaa sharaf badan, waa wasiir bulshadu ugu markhaati tahay waxa uu bulshada u qabtay iyo kaalinta uu ugu jiro qaranka.
Maxamed Siciid Axmed { Xidig}