Hargeysa (SLpost)- Wasiirka Wasaaradda Dhalinyaradda, Ciyaaraha iyo Dalxiiska Somaliland Mudane Cali Siciid Raygal ayaa maanta ku dhawaaqay in tartanka ciyaaraha goboladda oo lagu waday inay ka qabsoonto Hargeysa 15-ka Bishan dib loo dhigay illaa 2-da Bisha June ee sanadkan 2013-ka.
Wasiirka oo Faahfaahiyey sababaha dib-u-dhaca ee Ciyaaraha gobollada oo lagu waday in magaalada Hargeysa lagu qabto, ayaa yidhi, “Runtii waad la socoteen Ciyaaraha mar baanu dib u qaadnay oo waxay ku qorshaysnayeen 15-ka January 2013-ka, markaa waxaan doonayaa inaan sababaha u sheego si ay Dadkiina fariintu u gaadho. Runtii waxa weeye iyada oo ay dhibaato jirin wax walba xilliga ay ku haboon yihiin ayaa daruuriya in la socodsiiyo dhibina kumajirto wixii ay wax ku haggaagayan sida ay bulshadu ay jeclaysato in la yeelo ayaa wacan oo wax dhiba kumajiraan. Waxay ahayd qorshahayagu in Golaha Degaanka ee cusub ay soo an-bibixiyaan Gobalada iyo Degmooyinka Dadka Ciyaartoyga ah oo ay iyagu soo habeeyaan Ciyaartoyga ka qayb qaadanaaya Ciyaaraha Gobalada ayay ahayd. Anaga ka Wasaarad ahaan Masuuliyada guud ayaanu leenahay, lakiin arrintu markay timaado Ciyaaraha Gobalada waxa kow ka ah Golaha Degaanka. Markaa waxa dhacday in Golayaashii Deegaanka ilaa iyo hadda ay qaar maamuladii u gacan galin oo hawshii u fulin ayna halkaasi ay qabyo ka tahay oo ay ku soo diyaarin Ciyaartoygii.”
Wasiirku waxa uu ka hadlay wakhtiga la qaban doono Ciyaaraha gobollada dalka, “Waxaan markii hore aan ku talo galay in Xilliga yar ee fasaxa bisha ah ee teramka Imtixaanka yare e ardayda la fasaxo bisha ay Ciyaaruhu ku beegmaan ayaanu ku wadnay. Waxaana dhacday in Fasixii uu yaraaday oo muddo 15 cesho ah ayuu noqday dabadeed arday badan oo Dugsiyada Sare dhiganaaya oo Ciyaartooyga ka mid ah ama doonaaya inay dawadaan ay mudadii ku yaraatay dabadedna iyada oo 15-kii aanu Ciyaaraha u qabanay la gaadhin uu fasixiiba dhamaaday oo Ardaydii Dugiyada Sare iyo Jaamacadihiiba ay dib ugu noqdeen. Waxayna noqotay duruuf soo korodhay oo Gobaladii ay u Ciyaarilahayeen ayaa waxay keneen cabasho, waxayna leeyihiin Dadkii noo ciyaarilahaa ayaa Iskuulka kujira fasixiina muddo gaaban ayuu noqday oo ardaydiina dib ayay ugu noqdeen Iskuuladii, markaa waxaanu Wasaaradda Ciyaaraha ka codsanaynaa in muddada fasaxa naloogu beego Ciyaaraha oo Dadkii ayaa ku noqday Jaamacadihii iyo Iskuuladii waana qodob muhiima oo Gobalkastaba waxa uu doonayaa inuu badiyo oo waxa uu doonayaa inuu qofkasta oo meel kaga mash-quulsan uu is odhanaayo waxbaa kamaqan oo ah arrin muhiima madaama oo ardaydii ay wax dhiganayso way adag tahay inay ka qayb-galaan,” ayuu yidhi Md Cali Siciid Raygal.
Marka laga yimaaddo hadalka wasiirka, waxa maalmihii u dambeeyey kulamo is-daba-joogi dhexmarayeen Xubno ka tirsan Xukuumadda iyo Madax-dhaqameedka Degmada Axmed oo Garoonka Kubadda Cagtu ku yaallo, waxaana la sheegay in laysla qaatay in dib loo dhigo ciyaaraha gobollada dalka, maadaama ay sii qoyantahay raadkii ay ka tagtay doorashadii Goleyaasha deegaanka ee dhiiggu ku daatay.
SOMALILANDPOST.NET