London (SLpost)- Siyaasi Jirde Muuse cali oo ka mid ah Qurbajoogta Somaliland kana mid Siyaasiyiinta Xisbiga Kulmiye ee Dalka Ingiriiska ayaa ka Hadlay Xaaladaha kala duwan ee waqti xaadirkan ka taagan Somaliland Gaar ahaana Abaaraha Sanad jirsaday ee ku habsaday Gobolada Bariga dalka. Sidoo kale wuxuu ka hadlay Siyaasada Xisbiga Kulmiye uu ku Hogaaminayo Dalka.
Jirde oo isagoo ku sugan Magaalada London Khadka telefoonka Noogu Waramay ayaa Iftiimiyay Sida ay lagama maarmaanka u tahay Ka qayb qaadashada Abaaraha ka taagan gobolada BAriga waxaana uu Amaanay Xukuumada,Ganacsatada iyo Cid kasta oo qayb ka gaysatay sidii ay dadkooda uga saari lahaayeen Xaaaldahan adage e ay galeen
Jirde Muuse Cali waxaa uu dhanka kale Ugu Baaqay Xisbiyada Mucaaridka Inaanay Olole ka Deyin Dadka Abaaruhu Halakeeyeen Balse looga Fadhiyo inay Badbaadiyaan Nolosha Dadka ay Codka Ka doonayaan Mustaqbalka taasi oo Kala cadayn doonta In Xisbi kastaaba Heli Doono Waxa uu gashado Dadkaasi Dhibtu Hayso isagoo sidoo kalena Rabi uga baryay inuu Raxmaad Khayr qaba u Shubo Dadkiisa
Siyaasi Jirde Muuse Cali waxaa uu yidhi isagoo Arimahaasi ka Hadlayana wuxuu yidhi, “Horta Dhamaanba waxaan Salaamayaa Warbaahinta Somaliland waxaana aan ilaahay uga baryayaa inuu Raxmaadkiisa u shubo Dadka deegaamada Bariga Somaliland oo aad walaal og tihiin in ay Abaaro Adag oo xoolihii Madheen ku dhufteen,Waana wax ilaahay lagu Mahadiyo waayo Barwaaqada iyo Abaartaba Waa Nimcooyinka Ilaahay,Abaaro kala duwan ayaa dalka soo maray ayna ka mid ahaayeen Hawaara Harga Cuna,Xaaraama Cune,daba dheer iyo qaar kaloo badan balse tani waa ay ka daran tahay kuwaasi oo dhan lamina garanayo Magac loo bixiyoba,Waxaanan doonayaa inaan halkani Uga Mahadnaqo Dhamaanba Cid kasta oo ka qayb qaadatay U gurmashada dadkaasi MAsaakiinta waxaana aan ka xusayaa Xukuumada uu hogaamiyo Madaxweyne Siilaanyo oo gurmad ka gaysatay wixii awoodeeda ahayd iyo welibana Ganacsatada Somaliland sida Shirkadaha dalka oo aan iyaguna Hagran dadkaasi Taasi intaas ayaan kaga baxayaa “ Ayuu Yidhi
Dhanka kale Waxaa uu Jirde ka hadlay Shaqsinimada uu leeyahay Gudoomiyaha Xisbiga Kulmiye iyo waaya aragnimada uu Dalka u leeyahay waxaana uu ka dhawaajiyay inuu yahay Masuulka keliya ee dalkan lagu aamini karo isagoo soo dhoweeyey Murashaxnimada Muuse Biixi Cabdi waxaana uu yidhi isagoo arintaasi ka hadlaya
“Anigu Walaal muuse Biixi Shaqsinimadiisa ayaan garanayaa waana Nin aan soo wada shaqaynay Markii uu ahaa Wasiirka Arimaha Gudaha dawladii Marxuum Madaxweyne Maxamed Ibraahim Cigaal Xiligaasi oo aan taliye ka ahaa Geerisa gobolka Selel oo aan Mudo halkaasi dawladnimada ka wada wadnay,waana nin dalkan wax ka bedelaya,Waana mid aan hubo guusha uu ka gaadhi doono Doorashada soo socota,Waayo Halgankii uu dalka usoo galay Maaha mid la iloobi doono Isaga iyo Mujaahidiintaba waxaana aan ku Faraxsanahay inuu noqdo Masuulka madaxweyne Siilaanyo Bedelayaa nin aan Wada garanayno oo aan ahayn Mid Meel baas inagaga yimi Balse taas bedelkeeda uu yahay Nin Qaaxo inala Joogay oo Xoraynta Dalkiisa mudo usoo dibjiray Halka raga qaar ay wadamada qurbaha Casiirka ku cabayeen Waana aan idin Salaamayaa “