Marka hore waa waajib in aan ku salaamaa Madaxweyne , bacda salaam waxaan ku kalsoonay in aan tahay ruugcadaa siyaasiya oo ummadu dooratay, waxaanse rabaa in aan hawada kuu mariyaa wixii aan nasteex mooday, maadaama oo aan ku arki waayay sidii ina Raage( aagaasimihii wasaarada arrimaha dibeda).
Mudane Madaxweyne waxa aad ballan qaaday dawlad tayo leh oo kooban, waxayse u muuqataa in ay noqotay dawlad bilaa tayo ah, taasoo dabooli kari waday baahidii ummada Somaliland. Madaxweyne ummadu way soo dhaweysay xil ka qaadistii iyo isku shaandhayntii golaha wasiirada , balse waxa la iswaydiinayaa kuwa hadhay maxaa loo reebay? Ma qabiilka Madaxweynahaa, ma guulwadayaalbaa, ma been ma sheegayaal baa?
Haddaba Madaxweye sidii lagaaga bartay ayay ummadu kaa sugaysaa , Soomaalidu waxa ay tidhaahdaa caano daatay dabadood la qabay soo celi kalsoonidii ummada, oo qaad talaabo lagu badbaadiyo sumcada iyo Qaranimada Somaliland. Si aan uga badbaadno wixii ka dhacay dalalka Tunsia, Libya, Masar iyo qaar kaloo badan.
Allaa Mahadle
Guddoomiyaha ururka Af-garad ee Somaliland.
Axmed Maxamuud Cali ( Shiine Gaashaan-cade)
Tell 002522 4419500