(Haddii Somaliland ka qayb gasho Shirka Feb,2012 kooxaha Soomaaliya loogu qabanayo Uk,waxaa la gudboon Ururada/Shacabka reer Somaliland gudaha iyo dibadaba/Xisbiyada Mucaaridka ,intaba sidii loo badbaadin lahaa Qarannimada Somaliland).
Waxaa xalay oo taariikhdu ahayd 19 Jan 20012 Shir deg ah khadka Telefon(Teleconference) ku yeeshay Guddidda fulinta ee Ururka Uk. SLC. Shirkaa waxaa Guddida fulintu ku falanqaysay xaalada Siyaasadeed ee xilligan uu ku sugan yahay dalka Somaliland,gaar ahaan Shirka Kooxaha Soomaaliya loogu qaban doono Feb.2012 dalka UK,hadaba Guddida fulinta ee Ururka SLC, ka dib falan qayn dheer,ka baaran degid dheer iyo dood dheer ka dib waxay isku raaceen qodobadan hoos ku xusan:-
1. Ururka Uk.SLC waxaa u cadaaday in Xisbiga talada dalka haya ee Kulmiye uu xilli hore qorsheeyey sidaa loo baabin lahaa jiritaanka Qarannimada Somaliland,waxaa cadaan ah in mashruuca lagu duminayo Somaliland uu Kulmiye soo qaatay 14 Jan 2010 ,ka dib markay Xisbiga Kulmiye kulan la yeesheen Donald Payne (USA).Waana cadahay in Xisbiga Kulmiye iyo Xukuumadiisu ay fulinayaa qorshayaal ay hore u soo galeen.
2. Guddida fulinta ee Ururka Uk.SLC waxay isku raaceen in si deg deg ah loola xidhiidho Dowlada UK,Midowga Yurub iyodhamaanba saaxiibada reer Somaliland ka tirsan Dowladahaas
3. Waxaanu digniin culus iyo cambaareynba halkan uga soo jeedinaynaa Xisbiga Kulmiye iyo Xukuumadiisan,waxaanu u sheegaynaa in ,haddii ay isku dayaan in ka qayb galaan Shirka kooxa Somaliland loogu qabanay Uk bisha Feb 2012,in lagu qaadi doono khiyaamo Qaran,dhibta ka dhalatana ay Xisbiga Kulmiye iyo Xukuumadiisu ka masuul noqon doonaan.
4. Waxaanu la socodsiinaynaa Dowladaha wada/maalgelinaya/ka shaqaynaya Shirkaas in Somaliland ay Soomaaliya ka go.day 18 May 1991, in ay dib ula midowdana ay ku adagtahay shacabka reer Somaliland.suurta galna hayn.
5. Ururka Uk.SLC wuxuu ugu baaqayaa Xisbiyada Mucaaridka ah ,in ay ka digtoonaadaan,il gaarana ku hayaan talaabo kasta oo ay isku dayaan Xisbiga Kulmiye iyo Xukuumadiisu.
6. Ururka Uk.SLC,wuxuu ugu baaqayaa guud ahaanba shacabka reer Somaliland gudaha iyo dibadaba in ay u diyaar garoobaan sidii ay u difaaci lahaayeen Qarannimada Somaliland oo xilligan Xisbiga Kulmiye iyo Xukuumadiisu doonayaan in hog dheer ku tuuraan.
Ugu dambayntii Ururka UK.SLC wuxuu isku raacay in ay si taxadir leh ula socdaan talaabo kasta oo ay qaadayaan Xisbiga Kulmiye iyo Xukuumadiisa,loona diyaar garoobo sidii jawaab deg deg ah looga bixin lahaa.
ALLAA MAHAD Leh
Guddida Fulinta UK/SLC
Contact as(nagala soo xidhiidh): uk.slc@hotmail.co.uk