Hargeysa, 11 April, 2012 (SLpost)- Wasiirka Wasaarada Arrimaha Gudaha ee Jamhuuriyada Somaliland Mudane Maxamed Nuur Caraale (Duur) oo ay Weheliyaan Taliyaha Ciidanka Booliska Cabdilaahi Fadal Iimaan iyo badhasaabka Gobolka Saaxil Maxamud Cali Saleebaan (Ramaax) ayaa Maanta kormeer ku tagay dugsiga tababarka Ciidanka Booliska ee Mandheera halkaas oo uu tababar uga socdo Sadex Boqol iyo afar iyo Lixdan askari.
Taliyaha ciidanka booliska oo wasiirka uga waramayey xaaladda guud ee dugsiga tababarada ee Mandheera iyo hawlaha hadda ka socda ayaa sheegay in 364 Askari ee tababarku u socdaa ay u badan yihiin ardaydii dugsiyada sare ka baxday, isla markaana ay u soo diyaar garoobeen inay ka mid noqdaan ciidamada booliska Somaliland si ay uga qayb qaadaan wajibaadka qaran ee ay ciidamada u xil saran yihiin.
Taliyaha oo la hadlayey Ciidamada tabobarku u socdo, waxa uu ku waaniyey inay dhowraan Anshaxa iyo karaamada ciidanimo, Isla markaana ay u diyaar garoobaan sidii uga qayb qadan lahaayeen waajibadka qaran ee ciidamada somaliland u darban yihiin
Wasiirka wasaarada arimaha gudaha Somaliland Mudane, Maxamed Nuur Carale Duur oo kormeer ku maray qaybaha dugsiga Mandheera ayaa sheegay in 364 Askari ee tababrka ku jira ka mid yihiin soo Askari oo cusub oo xukuumadu katala qaadatay inay u dhamastirto , dayerlkooda dieayokooda iyo hubkooda , isla markaana loogu talo galay inay ka qayb qaatan dardargilinta iyo dib u habaynta ciidamada Somaliland .
Waxaanu tilmaamay in la doonayo in booliska lagu kerdhiyo dhalinyaro aqoonyahano ah oo loo tababaro hogaaminta iyo xoojinta ciidamada booliska , waxaanu ku ka dardaarmay inay u diyaar garoobaan difaaca dalka iyo sugida ammiga.
Waxa kale oo halkaasi hadaloa ka jeediyey madaxa tababarada dugsiga Mandheera C.laahi Budul Ibraahin iyo Bashiir Cabdillaahi Xasan oo ah madaxa mashruuca dib-u habaynta booliska iyo masuulim kale.
Somalilandpost.net