Hargeysa (SLpost)- Suldaan Xuseen Xaaji Cabdi Cabdilaahi oo ka mid ah Madax-dhaqameedka Gobolka Hargeysa 11 Chief Caaqil oo ka tirsan beeshiisa, ayaa maanta Wasiirka warfaafinta iyo wacyigelinta Md. Cabdi Yuusuf Ducaalle (Boobe) guusha uu ka gaadhay inay hawada gasho idaacadii cusbayd ee Radio Hargeysa oo maalintii labaad maanta si tijaabo ah looga dhegaystay gobolada dalka iyo qaar ka mid ah wadamadda mandaqadda oo ay ka mid yihiin Dalalka Itoobiya, jabuuti, Kenya iyo Tansaaniya.
“Anigoo ah Suldaan Xuseen Xaaji Cabdi Cabdilaahi iyo 11 Chief Caaqil ee hoos ku xusayn, waxaanu Wasiirka warfaafinta iyo wacyigelinta Md. Cabdi Yuusuf Ducaalle (Boobe) waxaanu ku bogaadinayaa Idaacadii cusbayd ee Radio Hargeysa oo hawada gashay, taasi oo maalintii labaad si tijaabo ah hawada ugu jirta, lagana dhegaystan gobolada iyo degmooyinka dalka oo dhan iyo qaar ka mid ah wadammada jaarka ah oo ay ka mid yihiin Itoobiya, jabuuti, Tansania iyo Kenya, Waxaanu u aragnaa inuu ka midho dhaliyay baahi culus oo dalku u qabay idaacad dalka wada gaadha oo qaran, taasi oo 21-kii sanadood ee la soo dhaafayba aan u suurto-gelin Tobaneeyaddii Wasiir ee iskaga dambeeyay Wasaaradan.
Waxa kale oo aanu Wasiirka warfaafinta ku hambalyaynaynaa labada masuul ee cusub ee uu 27-kii bishan u magacaabay DAWAN Media Group iyo Telifishanka qaranka, waxaanu u aragnaa labada masuul ee kala ah Guddoomiyaha Cusub ee Wargeyska DAWAN Cumar Maxamed Faarax iyo Agaasimaha Cusub ee TV-ga Qaranka Xuseen Cabdilaahi Deeqsi, waxaanu leenahay waa tallaabo aanu soo dhawaynayno una aragno Wasaaradii oo dib loo dar-dargelinayo isla markaana la abaal mariyay shaqaalihii kartida muujiyay mudadii ay shaqaynayeen.
Waxaan iyagana ILAAHAY uga baryaynaa in xilka culus ee dhabarka loo saaray uu fududeeyo,”
Magacyadda Cuqaasha bayaankan soo saaray
1-Cheif Caaqil Fahad Cabdi Cali Mahdi
2- Chief Caaqil Baashe Aw Cismaan
3- Chief Caaqil Maxamad Xaashi C/laahi
4-Chief Caaqil Maxamad Faaraax Diriye
5- Caaqil Xuseen Jaamac Colaad
6- Caaqil Ismaaciil Dhag Libaax
7- Caaqil Axmad Dhoobaale Xirsi
8- Caaqil Kayse Muxumad Cabdai
9- Caaqil Mahad Muxumad Good
10- Caaqil Ismaaciil Faarax Xasan
11- Caaqil Sheekh Ibraahin Cumar