Maxaa ii damaanada,Nin doonaa ha mehershee,Inuu daacad yahayoo,Ajenda u dahsoonayn? Doorashdii dhacday 26 june 2010 ayaa Madaxweyne Siilaanyo loo doortay hogaaminta qaranka Somaliland, kadib mooshin ay xukuumadu hor gaysay baarlamaanka in la furo wada hadal dhex mara Somaliland iyo Somalia, waxa isa soo tarayay tuhuno iyo galdaloolooyin ka muuqatay Siyaasada Arimaha Dibada ee Somaliland.
Hadaba, Suldaan Xiiray oo warbaahinta qaar ka hadlay Waxa uu fashiliyay sir culus oo uu ka hayo Xukuumada M/weyne Siilaanyo, runtii ismuu lahayn sheeg laakiin isagoo xukuumada deedafaynaya jawaabna uga dhigaya hadal uu hore warbaahinta uga yidhi oo ah in Madax dhaqameedku ka qayb galayaan wada hadalka ( Somaliland iyo Somalia). Hore Somalidu waxay ku maahmaahday “Sir Ma Qabe Alow Sahan” Suldaan Xiiray waxa uu fashiliyay Sir iyo qorshe maleegan oo ka dhan ah Qadiyada iyo Jirtaanka Somaliland, waxa uu shaaca ka qaaday in xukuumadu ay wado nidaam midnimo soomaaliyeed ah, waxaanu xusay in Safiirka Turkiga ee Hargeysa fadhiyaa uu noo xaqiijiyay in xukuumada Siilaanyo ka ogolaatay arinka midnimada, sidaas darteed aanu ka shaqayno sidii aanu wada hadalka usii wadi lahayn(Somaliland & Somalia) ilaa laga gaadhayo midnimo, dariiq kastana loo maro sidii loo midayn lahaa. Arinkan ayaa fajac ku noqday shacabi waynaha reer Somaliland. Hadaba waxa ls waydiin leh hawsha ay Safaarada Turkiga ee Hargeysa loogu talo galay inay ka shaqayso? Waxa jira dareeno badan oo ku xeeran arintan, dadka siyaasada odorosaana waxay ku macneeyeen in la marin habaabinayo nidaamkii dawladnimo ee aynu lahayn si ay madax dhaqameedku qayb uga noqdaan wada hadalka iyo isfahamka labada dhinac, waana qorshe cusub oo qaranimada iyo dawladnimada kasoo horjeeda xukuumadeenuna raali ka tahay in loo badalo wadahadalka qaab dhaqan. Waxa hubaal ah in qaranimadii Somaliland dayacantay oo baylah badani ka muuqato waxaana cadaynaya halka laynala marayo in maanta la yidhaahdo Masiirka iyo Qaranimada Somaliland waxa ka talinaya madax dhaqameed, taasi waxay sheegaysaa in dawladnimadii luntay oo madmadow badan la galiyay. Dhowaan ayay ahayd markii Dawlada Xamar Madaxdeedu ay si cad u sheegeen in Somaliland qaadatay maamul goboleed qaybna ay ka yihiin siyaasada (NEW DEAL 2016), Nasiib daro Xukuumadu kamay bixin wax Jawaab ah oo lagu qanci karo ama beenaynaysa hadaladaa lidka ku ah Qaranimada Somaliland.
Waxaan leeyahay dalku maanta wuxuu u baahanyahay badbaado in Qaranimadii la burburiyo ayay maraysaa, iima muuqato xukuumad dhisan iyo maamul fayow oo maanta jira, Madaxtooyadii waxay noqotay guri cas laga guuray kadib markii ay ka dareereen ragii miisaanka xukuumada ahaa, markii ay ka baxeen xukuumadiina waxay ay madaxtooyadii noqotay mid ku mashquula ah Isbahaysiga kulmiye iyo shirarkooda. Shacabka Somaliland waxaan ugu baaqayaa inaynu qaranimadeena iyo wada jirkeena ilaashano, waayo maanta wax halis ku jirta oo loo baqayaa Qaranimadii inay mar labaad halawdo. Hala foojignaado wax walba way ka suurtoobaan kooxda macaash doonka ah ee maanta ina haysta ee waxay ka fekeraanba yahay dhaqaale iyo maxaan cunaa. Ilaahay nabadgalyada haynoo ilaalio.dhibaatooyinka xukuumada kulmiye iyo xisbigeeda ilaahay haynaga qabto
Ilaahay Siduu Khayrka Ku Jiro Hayna Waafajiyo
Alaa Mahad Leh
Mohamed Adan
Falanqeeya Arimaha Siyaasada