Saxiibka suubani
Sadrigiyo laabtiyo
Niyadaa salkeediyo
Qalbiguu sifeeyaa
Suradaha quraankiyo
Sadkii lagu ducaystiyo
Sareeduu jeclaystaa
Allow saxiib wacaniyo
Qaar samaha jecloo
Na saluugin waligood
Sumadooda noo badi
Saxiibku waa muraayada keliya ee uu isku eego ama uu isku daawado qofku, marxaladaha kala duwan ee soo noqnoqonaya ee ku suntan wareega nolosha ayaa marna wanaagsan marna xumanaya waxana laga yabaa in mararka qaar aad saluugto ama aad u adkaysan waydo xaladaha adage ee kaa soo wajahaya dhinca nolosha .
Xaaladaha adag ee kusoo maraya ayaa kuu kala xaqiijinay saxiibkaaga rumaad iyo saaxiibka beenta ah ee kugula jira sawirka kurka ah kaas oo ah saxiibka guud oo keliya balse aan intaa dhaafsiisnay oo keliya inaad tihiin saxiib
Tan iyo marka uu qofku ka hana qaado garaadka ee uu kala garto sax iyo qalad si sax iyo maan ah waxa uu ku dhex barbaraa bulsho kala duwan sida saxiibada jaarka, saxiibada iskuulka, saxiibada kubada iyo saxiibada shaqada
Dareenka saxiibtinimada ee qiimaha iyo qayaha badan waxa uu qofku dareema marka uu qofku galo xalad ama dareen farxadeed ama xalad murugo iyo ciil ka dib waxa ay maskaxdu iyo naftuba ay tabtaa qiimaha uu leeyahay qofka saxiibkaa ahi waayo saxiibku waxa uu u yahay nafta xanuun baabiye iyo in qofku uu ku nasto oo uu ku nagaado xaladaha nololeed ee kala duwan , saxiibku waxa uu markasta oo xaladi ku soo food saarto waxa uu noqonayaa ka keliya ee aad ka dhigato wehel iyo walaal hore ayaa loo yidhi “ kula dhashe aan kula dhaqan ahayn waxaa kuu dhaama kaa dheere kula dhaqana’’ waxaa laga yabaa in aad kala dhaqan iyo dhaqasho duwanataan walalkagii ay hooyo idin wada dhashay naaska aad soo wada jaqdeen markalena laga yaabo in aad muddo badan soo wada noolaydeen . balse saxiibka uu noqdo mid kaaga wanaagsan oo kaga qiimo badan walalka waayo waxa uu si niyada kuula wadagaa hadba xalada aad ku nooshahay oo uu si xaqiiqo ah uu kula dareemayo.
Kuuma kala duwana asxaabtu oo dusha waa ka wada saxiib ,saxiibkay waa mid kamid ah hogamiyaasha aan ku daydo ee aan mar walba ku hamiyo inaan noqdo siddiisa oo kale markasta waxaan jeclahay inaan ka agdhawaado lakiin wakhtiga iyo wayaha adduunyo ayaa mar walba nasiib ii siinin inaanan ka fogaanin , balse wakhti kooban oo aad u yar ayaan marmar Janis iyo nasiib u helaa wakhtigaasi aan ka agdhawadana waxa uu si hagar la,aana iigu deeqa xantoobo talooyina, maalin aan aad u fogayn ayay ahayd markii aan fursad u helay inaan la qaato wakhti aad u yar iyada oo ay ka mid ahayeen erayo dhaxal gal ah oo noloshayda isbedel balaadhan ku sameeyay samayn iyo mug wayna ku leh noloshayda kuwaasi oo ahaa markasta ku ducayso ducada “ ALLOW HA NAGU FADEEXADAYN DHULKA DUSHIISA HOOSTIISANA HA NAGU CADAABIN” waa duco aad u qaliya waayo waa duco koobaysa if iy aakhiraba aamiin amiin yaa rabi.
Waxa kale oo aan aad ugu xasuusta oo igusoo noqnoqta duco kale oo ah “ALLOW CISSI BAANU KU WAYDIISANAYNAA ADIGAA CISSI IYO SHARAF OO DHAN LEHE “
Dhinaca kale ee nolosha waxa iyaguna xasuus maan guurta ah ku abuuray maskaxdayda “ markasta ku kalsoonow naftaada qabo waxa aad qaban karto waxa aad qaban kari waydidna ha u arkin dhib waayo waxay ka mid tahay raganimada “
Saxiibka wanaagsan waxa lagu helaa si aad u adag maxaa yeelay dadkeena inyar ayaa ah in aad isku si u fikiraysaan oo aad u wada socotaan jiho tariikhdu waa ma guurto saxiibkaga wanaaji si uu isaguna uu kuu wanaajiyo, noqo sida damal hadhwayn oo ay ku nastaan maskaxda saxiibadaadu si ay kuu xusaan kuna xushmeyaan marka aad la joogto iyo marka aad ka maqantahayba , saxiibadada ha wada muudsan ee dib u dhigo qaar
Saxibka caqli gaabka ahi waxa uu ka hadlaa dadka, saxiibka aan dhamayska ahayna waxa uu ka hadlaa khiyaliga iyo malo awaalka ,saxiibka dhabta ahina waxa uu kaala hadlaa dhacdooyinka aad ku sugantahay , noqo saxiib marwalba lagu hirto .
Saxiibkaga dhabta ah ma ogaan karti ilaa aad ka ag fogaatid oo aad meel fog kala tagtaan waayo markaasi ayaad ogaan kartaa inuu yahay qof ama saxiib nafta loo huri karo oo lalasii jaanqaadi karo oo aad kaga baxdo ciil iyo cadho kulana wadaaga farxad iyo fayoobi.
“Saxiibka wanaagsan beerka ka ogsooni”
Noloshu waa daqiiqad iyo wax ka yar ee ka faa,iidayso oo reeb xasuus waayo xasuusto waxa ay qofka u yeesha ama ay gelisaa nolol kale .
W/Q: MOHAMOUD AREB (SABUUB)
WA BILAAHI TAWFIIQ