Waqti aan ka fogayn kan aan qoraalkan qoray nin ayaa iiga sheekeeyey sheeko ku saabsan dadka wax ilaaba /xusuusta liita , sheekadaasi oo aan u arkay in dad kale loo sii gudbin karo waxuu iigu
sheekeeyey sidan : ” nin somali ah ayaa hadda ka hor waxa uu galay masaajid dadka ugu badan ee ku tukanayaa ay yihiin Somali oo ku yaalla Dalka Yugaandha/Uganda ninkii waxa uu ku beegmay iyada oo mu’adinkii uu salaadii ku eedamayo.
wuu u fiirsaday waxaanu arkay in mu’adinku uu eedaanka uu warqad ka eegayo hadba marka uu yara nasto ee uu erayo ku dhawaaqo inta aanu kuwa kale ku dhawaaqin ayuu isha marinayaa sida ay kalmadaha kale ee eedaanku ugu sii xigaan ninkii Aadaamayey marka uu dhammeeyey ayaa ninkii soo salaad doontay waxa u weydiiyey waa maxay Eedaankan aad warqada ku qorotay ?mu’adinkii umuu jawaabin ee inta ninkii gacanta qabtay ayuu u geeyey Iimaamkii masaajidka oo meel yar oo koone ah tusbax ku roganaaya madaxiisuna hoos u fooraro waxa uu yidhi waa Iimaamkii ee la hadal ninkii ayaa la soo booday salaam-calaykum Sheekh.
Sheekhii ayaa inta uu uu kor u toosay ayuu khamiis uu xidhnaa /gashanaa oo jeebado badan lahaa uu si deg deg ah gacamaha hadba mid u gelayaa ninkiina wuu dultaagan yahay oo waxa uu isleeyahay tolaw salaanta ka hor wadaadu jeebadaha ayey cadar yar oo is maris ah ku qaataane ma waxa uu rabaa inuu gacanta marsado sidaasina kugu gacanqaado ninki ayaa waqti aan badnayn ka dib waxa uu jeeb ka mid ah kuwii khamiiska uu ka soo saaray warqad yar isaga oo hoos u eegaya ayuu ugu jawaabay “wa calaykumu salaam ” saw/shaw warqada waxa ugu qoran salaanta qaybta weydiinta iyo inta jawaabta ahba , mu’adinkii oo isaga aan la yaabanayn imaamka madaama uu isaguba warqad ka akhriyey Eedaankii ayna is xaal og yihiin Imaamka ayaa ugu jawaabay ninkii masaajidka soo galay sidaasi ayaanu hawsha ku wadnaa .
ninkii ayaa masaajidkii ka baxay ka dibna wuu weydiiyey xagaad aaday miyaanad tukanayn waxa uu ugu jawaabay . waxa la i tusay iyada oo ay luntay warqadii ay faataxadu idinku qornayd ka dibna wax lagu hadlo la garan waayey .
FG: Imaamka iyo Mu’adinkuba waxay ahaayeen Yugaandhiis
Cumar Cali Xasan “Seerbiya”