Hargeysa, 05 March, 2012 (SLpost)- Qaar ka tirsan Naafada Ciidammada Qaranka iyo Aagggoomaha Ciidanka ee Somaliland ayaa maanta cabasho la hortagay xaarunta Wasaaradda Gaashandhigga ee magaalada Hargeysa.
Naafada iyo Agoomaha Ciidanka Qaranka Somaliland ayaa sheegay in mushahar iyo gunno ay qaadan jireen laga jaray. Sidoo kale waxay tilmaameen inaanay ahayn markii ugu horreysay intii Xukuumaddan Madaxweyne Siilaanyo talada haysay ee ay dhawr jeer waayeen Mushaharka iyo gunnada ay qaadan jireen oo uu ka mid yahay Raashin.
“Maantana waxa la yidhi mushaharkii iyo raashinkiiba naafada iyo aggoomaha ciidanka qaranka waa la joojiyey.” Sidaas ayuu yidhi mid ka mida dadkii Naafada ahaa ee cabashada la hortagay Wasaarada gashaandhiga Somaliland
Waxa kale oo isagauna ka hadlay mid ka mid ah Aggoomihii cabashada Wasaaradda gashaandhigga la hortagay, waxaanu yidhi; “Dhammaan dadka halkan taagan waxaanu nahay dad Curyaamiina (baaralaysa) oo qaar ayaa lugaha go’aan iyo qaar dhulka jiifa oo waxa kale oo nagu jira qaar la Agoon ah oo Aabbayaashood Ciidammada ku dhinteen, xitaa dagaalkii ugu danbeeyay qaar ayaa Aabbayaashood ay ku dhinteen. Waxa dhacday in nalaga jaray raashinkii yaraa ee giraamka ee Ciidamadu ay qaadan jireen iyo mushahaarkii, oo waxaanu helnay arrin run ah, oo ah Ciidaamadu way qaateen raashinkii, markaa kaayagii xagguu ku maqan yahay ayaannu nidhi.?”
“Waxa la yidhi kiinii waa la jaray oo ma tihiin dad shaqeeya oo waxaad tihiin dad laga maarmay ayaanu u aragnaa u jeedada.Sidaaas ayuu yidhi mid ka mid ahaa dadkii iyagu Wasaarada gaashandhiga la hortagay Cabashada.” ayuu hadalkiisa raaciyey Ninkaa ka mid ahaa Naafada iyo Agoomaha cabashada la hortagay xarunta Wasaaradda Gaashaandhigga.
Geesta kale, Agaasimaha guud ee Wasaaradda Gaashaandhigga Somaliland Cabdikariim Xaashi Cilmi oo maanta la hadlayay koox ka mid ah Agoomaha iyo Naafada oo cabashada la hortagay Wasaaradda, ayaa sheegay inaanu jirin wax mushahar ah oo laga gooyay, hase yeeshee maamulkoodii loo wareejiyay Hay’adda Abaabul-ka-saarka Qaranka ee NDC.
“Horta wax laga jaray lama sheegin ee waxa loo wareejiyay qorshe dawladeed sidaan ognahay waxa lagu wareejiyay meel la yidhaahdo NDC, mushaharkiina halkaas ayey ku lanahanayaan wixii ka danbeeya immika.” Sidaas ayuu yidhi Agaasimaha Guud ee Wasaarada gashaandhiga. “Rashaainka ay wax ka sheeganayaan haddii ay leeyihiin, haddii ay wax ka sheegeen raashinka laga jaray, raashin laga jaray ma jiro waxa loogu badalayaa lacag ahaan.” Sidaas ayuu yidhi Agaasimaha guud ee Wasaarada gashaandhigga Somaliland Cabdikariin Cilmi.
SOMALILANDPOST NEWS
webmaster@somalilandpost.net