Sideed u kasban kartaa quluubta dadka
Aan umahad celiyo allaha ina siiyey quluub aynu ku maamulno nolasheena hadana inaga kala dhigay qaar quluubtoodu kala duwantahay.
Mahanaqa Eebe kadib qofkastaa wuxuu rabaa inuu helo wax uu jecelyahay isna jecel, haba noqoto waalidkiisa, xaaskiisa, caruurtiisa, qaraabadiisa,iyo asaxaabtiiba, hadana taasi waxay kaaga baahantahay da’daal sidaad ukasban laheyd quluubtooda.
Tusaale: kasoo qaad inaad soo gashay madal lagu caweynayo oo ay fadhiyaan afar ruux, horaad usoo dhaaftey si aad ugacan qaado asaxaaabta fadhida,
Kii koowaad ayaad gacantaada u fidisay si dabacsan isna wuu kuu soo fidiyey gacatiisa si dabacsana kuuna yidhi soo dhawoow.
Kii labaad wuxuu ahaa mid mashquulsan markaas ayaad si kadisa u salaantey waxaanu si qabaw kaaga qaadey salaantii isagoon ku eegin.
Kii saddexaad wuxuu ahaa mid ku hadlayey talefankiisa gacanta isna waad salaantey isna ku gacan qaadey isagoo si wacan salaantii kaaga qaadin.
Kii afraad markuu ku arkey wuu sara kacay, salaana kugula dagdagey, waana qoslay, waxaanu ku muujiyey kalgacal, si xoogan kuu salaamay,
Kadib markaad salaantii aad dhameysatey ayaad la fadhisatey asxaabtii.
Allaan kugu dhaarshee miyaan qalibigaagu soo jiidan asxaabtaad salaantey mid ka mida?
Haa wuu soo jiitey xataa adoo wada garanayey sidaa, darteed ayuu qalbigaagu ujeclaadey, adoon ku dooran lacag, mansab, xisbi, iyo qabiil, lakiin mankaagu ku raacay siduu kuula macaamilay.
Hadaba la macaamilka dadku waxay ka dhigaysaa mid la jecelyahay shakhsiyadaada,dadnimadaada,akhlaaqdaada, iyadoo lagugu jeclaanayo la wadaagida xiliga dhibaatada, raali galinta markaad ku qaldanto, hakana yeelin quluubtooda mid kuugu xidhan kursigaaga iyo jeebkaaga.
Kan siinaya caruurtiisa iyo gabadhiisa maalka muu kasban quluubtooda wuxuu kasbadey calooshooda, kan lacagtiisa ku quudinaya qaraabadiisa isagoo si wacan ula dhaqmaya ma kasban quluubtooda laakiin wuxuu kasbadey jeebkooda.
Sidaas oo ay tahey ha fogeysan inaad aragto qof dhalinyar ah oo mushkilad qabsatey una cabanaya saaxiibkii ama macalinkii, hadana ka tagey aabihii, waayo aabihii muu kasban qalbiga wiilkiisa mana jabin siraha u dhaxeysa isaga iyo ilmihiisa, sidaad ayey u kasbadeen qalbigiisa macalinka iyo saaxibkii.
Miyaanad ila arag dadka qaar markey soo gaalaan hudheelada ama meelaha la iskugu yimaad isagoo qofkani radinaya meel uu fadhiisto, waaba kuwii fadhiyey oo mid kastaa u yeedhayo si uu ufadhiisto agtiisa waayo?
Miyaanad arag qof isna soo galay maadasha lagu caweynayo oo radinaya meel uu fadhiisto kolba meel eegaya oo aan hadana qofna u yeedheyn ama cidna qabileyn ilaa kursi kalidii fadhiisto waayo?
Waa maxey sababta dadku ukala doorbidayaan labadan ruux?
Waa inaad kasbataa quluubta dadka, martaana dariiqyo fudud oo qofku ku ugaadhsan karo quluubta dadka, si aad u kasbato quluubta dadka kale waa inaad muujiso kalgacal, jeclaansho, sameysaana fariintii nabigeeni subanaa (NNKHH) ee aheyd “ma idin tusiyaa waxaad isku jeclaataan, dhexdiina ku fidiya salaanta” intaas iyo wixii la mida ood la timaado waxaad ku kasban karataa quluubta dadka si fiican noloshaada ugu raaxeysan kartaa.
Alpha university
Hargeisa Somaliland