“Kabashada Cilmiga Gaaban Waa Lagu Kadeedmaa”
“Goormuu Noqday Mustafe Suxufi Ama Khabiir Falanqeeya Dakhliga Dawlada iyo Haayadaha Madaxa Banaan”
Horaa Loo Yidhi “Nin ambaday halkuu aaday, way ula ekoonayd” Mustafe C.raxmaan Habane waa wiil kamid ah da’yarta somaliland ee dalka wax ku bartay,kabashada cilmiga gaaban waa lagu kadeedmaaye Waxaa bilhii ugu danbeeyey uu barnaamij loo bixiyey maamul wanaaga kasii daayaa Telefishanka madaxa banaan ee Hctv, oo ujeedada tvgu ka leeyahay tahay mid dano gaara dabada ku haysa. waxaa uu kusoo qaataa xisaabo male awaal ah oo uu kagaga faalloodo dakhliga iyo kharashaadka wasaaradaha iyo hay’adaha dawlada, kuwaas oo uu meel kagaga dhaco masuuliyiinta iyo madaxda qaranka u shaqeynaysa.
Shacabka Somaliland hadaba ma iswaydiiyeen Mustafe c,raxman habane ma wariyaa mise yahay falanqeeye ama khabiir ka faallooda arrimaha xisaabaadka iyo dakhliga dawlada.
Mustafe c.raxmaan habane oo hore uga soo shaqeeyey xafiiska imtixaanaadka qaranka oo uu shahaadooyinka ku qori jiray qoraalka, kadib markii shaqadaasi laga caydhiyey, waxaa uu si rasmiya ugu biiray xisbiga mucaaridka ah ee waddani kaas oo xil looga magacaabay wakhtigii ololaha.
Mustafe oo kamid ahaa dhalinyarta sida caadifadeysan ugu dagaalanta social media wakhtigii ololuhu socoday si aad ahna u dhaliili jiray xisbigii kulmiye iyo xukuumaddii madaxweyne siilaanyo oo wakhtigaas uu sheegi jiray in laga musuqmaasuqay shaqo uu tartan u galay balse hay’ada shaqaalaha dawladu warbaahinta la wadaagtay natiijada ardaydii imtixaankaasi gashay oo mustafe habane kamid ahaa dadkii ku dhacay imtixaankaasi, taasi waxay sababtay inuu shaqo joogto ah ka dhigto dhaliisha iyo aflagaadada madaxda qaranka.
Shacabka Somalilland sidee ayey u dhegaysan karaan Shaqsi aragti xisbi mucaarid ah xanbaarsan oo xil ka haya.
Ma noqon karaa falanqeeye ama khabiir si dhexdhexaad ah u sharxa dakhliga dawlada iyo isticmaalka kharashaadka miisaaniyada dalka.?
Waxaa iyana iswaydiin Mudan haddii aan xukuumada necebahay ama aan kasoo horjeedo dhaliisheeda miyaan ugu soo gabanayaan hadba magac iyo barnaamij aan tv kasoo jeediyo aragti xisbi mucaarid ah oo daaha dabadiisa laga hagayo.
Door Intee Leeg ayuu ku Lahaa Mustafe C,raxmaaan habane Ololihii Doorashada Xisbiga mucaaridka ah ee waddami Muxuuse ahaa xilkii uu ka hayey wakhtigaasi.
Halkan Ka Daawo Shaacintii Wakhtigii uu Ku Biiray Xisbiga Waddani
Dib u milicso aragtida xisbiyeysan ee sanad iyo badh uun ka hor uu mustafe la wadaagay bulshada,
Sidee ayaanu maanta mustafe uga dhegaysan karnaa ama uu ku noqon karaa falanqeeye dhexdhexaad ah oo bulshada u dhex ah.?
Dhinac Kale haddii aynu ka eegno dhammaan haayada qaranka iyo wasaarada dawlada dakhligooda oo dhan miyaa la wada musuqmaasuqaa, sidee ayey caqliga u galaysaa in masuuliyiintii dawlada dhammaantood la wada yidhaa waxaba may qaban ama si qaldan ayey wax u maamuleen miyey aragti sax ah noqonaysaa.
Qalinkii Cabdiladiif Hassan, Suxufi Madax-bannaan
La soco Faallada tan xigta.