Burco, (SLpost)- Badhasaabka Gobolka Togdheer Cabdoo Axmed Aayar, ayaa maanta ku dhawaaqay Gudida Dibu dhiska Madaarka Magaalada Burco.
Xubnaha Gudidan oo ka kooban 13 ayaa Kulankii magacaabistooda lagaga dhawaaqayay oo lagu qabtay Xarunta Maamulka Gobolka Togdheer, waxaa goob-joog ka ahaa dhammaan Xubnaha loo soo xulay inay noqdaan Gudida taburucaadka Dib-u- dhiska Madaarka Burco.
Guddoomiyaha Gobolka Togdheer Cabdoo Axmed Aayar oo hadal ka jeediyay madashaasi ayaa ku sifeeyay Gudidan in ay u xil saaran yihiin dibudhiska iyo dhaqaalo Ururinta Madaarka Burco isagoo ugu baaqay Guddoomiyahani Bulshada Qurba-joogta ah ee Gobolkani inay ka qayb qataan dibu Habaynta Madaarka Burco.
Duqa Degmada Burco Maxamuu Axmed Xasan Dhegalaab Oo Xubin Ka ah gudidan Ayaa isna Usoo Jeediyay Bulshada Gobolka Togdheer Gaarh Ahaan qurba Joogta Inay Ka Qayb qatan Dibudhiska Madaarka Burco
Sh. Cali Maxamed Axmed Sh. Cali Mawliid oo ah Guddoomiyaha Gudidan, ayaa isna wax lagu farxo Ku tilmaamay Hawshan ay ku dhiirratay wasaaradda Duulsita iyo Hawada Somaliland isagoo ku timaamay hawshani mid muhiim u ah bulshada gobolka Togdheer iyo guud ahaan Somaliland.
Gudidan oo ka Kooban 13 xubnood ayaa kala ah:
1- Maxamuud Xaashi Cabdi, Wasiirka Wasaarada Duulista Iyo Hawada Xubin
2- Cabdoo Axamed Aayir, Gudoomiyaha Gobolka Togdheer Xubin
3- Maxamuud Axmed Xasan Maayarka Magaalada Burco Xubin
4- Xil Cali Maxamed Xasan (Cali Mareexaan), Xubin
5- Xildhibaan Maxamed Xaji Yuusuf (Waabeye), Xubin
6- Cali Maxamed Axmed (Gudoomiyaha Guddida)
7- Cabdiraxmaan Maxamed Timir (Gudoomiye Ku Xigeen)
8- Yaasiin Maxamed Shide
9- Sheekh Yuusuf Cawad
10- Maxamuud Diiriye Xayd
11- Sh. Cabdilaahi Daahir (Cabdilaahi-Baashe)
12- Sh. Maxamed Axmed Yaasin
13- Eng. Faarax Xuseen
SOMALILANDPOST.NET
webmaster@somalilandpost.net