Waxaan masuuliyiinta qaranka ee uu ugu horeeyo madaxweynaha Somaliland Axmed Maxamed Siilaanyo iyo xukuumadiisa iyo waliba waxgaradka, Culimaa;udiinka reer Somaliland ka codsanayaa in arrintaasi cadaalada darada ah ee lagu doonayo in dhulkayaga lagu xalaashado ama lay igaga xukumo in wax laga qabto,
Marka hore waxa mahad oo dhan iska leh ilaahay , iina saamaxay inaan qoraal ku cabiro cadaalad darada baahsan ee ka jirta maxkamadda G/Togdheer taasoo maraysa meeshii abid ugu xumayd marka xigta waxaan u mahad celinayaa bahda saxaafada gaar ahaan saxaafada madaxa-banaan intaa dabadeed hadaan usoo daadago dulucda maqaalkaygan
Guddoomiyaha Maxkamadda Gobolka Togdheer Maxamed Jaamac Cashuur ayaa nagula kacay tallaabo uu ku damacsan yahay inuu si sharci-darro muwaadin isagu wato oo maldahan , uga xil wareejiyo mulkiyada dhul aan leenahay, isla-markaana damacsanyahay inuu ninkaasi kula shuraakoobo , ahna farsamo u hirgashay oo uu kaga shaqaysto Magaalada Burco.
Anigoo ah Ciise Daahir Jaamac waxaan dhul aan leeyahay oo ku yaal waddada EX-Xamar , ee eriyada City Palaca Hotel Xaafada Sh.Ibashir, Lamberkeeduna yahay (File N0:17564, 8 Balodh, 80X60) uu Guddoomiyaha Maxkamada Gobolka Togdheer Maxamed Jaamac Cashuur , uu si ka baxsan anshaxa garsoorka iyo nidaamka Dawlad-nimo ku duudsiyey xuquuqdaydii lahaanshaha dhulkaasi, waxa dhacday inuu Guddoomiyuhu sifo khiyaamo ah u soo qaatay faylka dhulkaygii, Dowladda hoose Burco yaalay , isagoo sheegayaya cadaalad darado in lagula kacay nin isagu samaystay oo uu ku qudhaabto , isla-markaana dhulka uu dadka doonayo in laga qaado uu dacwad uga furo , dabadeed u xukumo, “Ma ihi dacwoode, mana jiro xaqiiq ahaan muduci lid ku ah lahaanshaha dhulkayaga, Maxkamada Gobolkana wax dacwad ahi igama taalo, markaa waxaa wax la- yaabo igu noqotay in Guddoomiyaha Maxkamada Gobolka Togdheer soo saaro qoraalo isburinaya, oo midkood ku amrayo in laga soo wareejiyo (D/Hoose Burco) faylkaygii cida ay dhulkaas uu leeyahay dacwad ayey ka furteen ama waa laga iibiyay waa Siciid Cali Caarshe mana jirto , warqadaas oo sumadeedu tahay MGT/DFL/139/14 -14/08/2014, halka uu mid kalena ku amray in lagu wareejiyo Siciid Cali Caarshe hadana , MGT/DFL/151/14 – 31/08/2014.
Markii aan Maxkamada tegay si aan wax uga weydiiyo sababta ku keliftay arrintan, wuu i xidhay. Taasina waxay cadanaysaaa in Cadaalad-darada ka socota Maxkamada Gobolka Togdheer oo gaadhay heerkii ugu saraysay. Sidaa daraadeed waxaan ugu baaqayaa Madaxweynaha Somaliland, Guddida Cadaalada iyo Guddoomiyaha Maxkamada Sare inay wax ka qabtaan arrintan uu xuquuqdayda ku duudsiyey gudoomiyaha maxkamadda G/Togdheer, isaga oo adeegsanaya awoodii Dawlada isla markaana baadhis lagu sameeyo qaddiyadan.
Dhinaca kale Maxkamada Racfaanka ee Gobolka Togdheer ayaa soo saartay warqad sumadeedu tahay MRT/610/2014 – 04/09/2014, taas oo ay ku hakinayso warqada uu Guddoomiyaha Maxkamada Gobolka Togdheer Dawladda hoose ku farayo inay cidna u kala wareejin dhulkaasi, ka dib markii aniga oo ah mulkiilaha dhulkaasi warqad cabasho ah aan u gudbiyey, una sheegay in ninka dhulka igu haystaa aannu ahayn Siciid cali caarshe , ee uu yahay ninka qarsoon oo ah gudoomiyaha Maxkamadda G/Togdheer Maxamed Jaamac Cashuur dadweynaha Burco ay ka dheregsanyihiin.
Waa ayaan daro inteeda leeg madaxwayne dhulkaygii oo uu igu haysto Gudoomiyaha Maxkamadda G/Togdheer , isagoo adeegsanaaya nin waraabe u taag ah ,, isagu doonaya in haddiiba ay hirgasho ay kala qaybsadaan,
Hadaba waxaan masuuliyiinta qaranka ee uu ugu horeeyo madaxweynaha Somaliland Axmed Maxamed Siilaanyo iyo xukuumadiisa iyo waliba waxgaradka, Culimaa;udiinka reer Somaliland ka codsanayaa in arrintaas cadaalada darada ah ee lagu doonayo in dhulkayaga lagu xalaashado ama lay igaga xukumo in wax laga qabto, anigu wax aanan lahayn ma doonayo ee xaqayga ayaan doonayaa sidaa darteed waxaan mar labaad masuuliyiinta ka codasnayaa inay arrinkaa soo dhex galaan oo hoos loogu daadego.
Waxaanan mar labaad leeyahay wax ha laga qabto cadaalad darada aan kala kulmay maxkamadda G/Togdheer, ee ay anigu sharcigaygii saxda ahaana haysta oo sanadkii 1981-iyo mid kale oo beena,isla-markaana la rabo in loo xukumo nin sita warqad la soo farsameeyey oo ku taariikhaysan 1999-kii, taasna uu kula socdo gudoomiyaha Maxkamadda G/Togdheer.
Waxaan leeyahay Cadaalada hoos ha loo eego ugu danbayn waxan baaqa u dirayaa hay?adaha xuquuqal iinsaanka oo aan leeyahay arinkaas wax ha laga qabto
-ILaahay ayaa Mahadleh-
Qore .Ciise Daahir Jaamac
Somaliland .Burco