Hargeysa (SLpost)- Madaxweynaha Somaliland Dr Axmed Maxamed Maxamuud (Siilaanyo), ayaa digreetooyin uu maanta soo saaray, waxa uu ku dhaqan-geliyey Xeerarka Sirdoonka Qaranka iyo Xirfadlayaasha Caafimaadka oo Goleyaasha Sharci-dejintu Waxka beddel iyo Kaabis ku sameeyeen.
Digreetooyinka Madaxweynuhu ku dhaqan-geliyey labada Xeer, ayaa lagu faafiyey Warsaxaafadeed ka soo baxay xafiiska Afhayeenka Madaxtooyada Axmed Saleebaan Dhuxul, kuwaas oo u dhignaa sidan:
Dhaqan-galka Xeerka Xirfadlayaasha Caafimaadka
“Madaxweynaha Jamhuuriyada Somaliland Mudane Axmed Maxamed Maxamuud (Siilaanyo), waxa uu maanta digreeto madaxweyne ku Dhaqan-geliyey Wax Ka-beddelka iyo Kaabista Xeerka Guddiga Mih-nadlayaasha Caafimaadka.
Madaxweynuhu:-
Markuu Arkay: Qodobka 90aad ee Dastuurka Jamhuuriyadda Somaliland;
Markuu Arkay: Qodobka 75aad ee Dastuurka Jamhuuriyadda Somaliland;
Markuu Arkay: Go’aanka Golaha Wakiilada JSL, Go’aan Lr. GW/G/KF-19/582/2012 ee ku taariikhaysan 27/12/2012 ee ay ku ansixiyeen Wax Ka-beddelka iyo Kaabista Xeerka Guddiga Mihnadlayaasha Caafimaadka Xeer Lr. 19/2001;
Wuxuu Soo Saaray
Dhaqan-galka Wax Ka-beddelka iyo Kaabista Xeerka Guddiga Mihnadlayaasha Caafimaadka Xeer Lr. 19/2001 ee Jamhuuriyadda Somaliland.”
Dhaqan-gelinta Xeerka Sirdoonka
“Madaxweynaha Jamhuuriyada Somaliland Mudane Axmed Maxamed Maxamuud (Siilaanyo), waxa uu maanta digreeto madaxweyne ku Dhaqan-geliyey Xeerka Hay’adda Sirdoonka Qaranka Xeer Lr. 59/2012.
Madaxweynuhu:-
Markuu Arkay: Qodobka 90aad ee Dastuurka Jamhuuriyadda Somaliland;
Markuu Arkay: Qodobka 75aad ee Dastuurka Jamhuuriyadda Somaliland;
Markuu Arkay: Go’aanka Golaha Wakiilada JSL, Go’aan Lr. GW/G/KF-19/581/2012 ee ku taariikhaysan 27/12/2012 ee ay ku ansixiyeen Xeerka Hay’adda Sirdoonka Qaranka Xeer Lr. 59/2012;
Wuxuu Soo Saaray
Dhaqan-galka Xeerka Hay’adda Sirdoonka Qaranka Xeer Lr. 59/2012 ee Jamhuuriyadda Somaliland.”
Somalilandpost.net/Hargeysa
kaariye[at]somalilandpost.net