Jabuuti(SLpost)-Madaxweyneha Jabuuti Ismaaciil Cumar Geele ayaa waraysi laga qaaday kaga hadlay mucaaradka ku kacsan,khaladaadka uu galay intii uu xilka hayay qaar ka mid ah iyo caynka uu yahay dhaqaalaha ay ka qaadaan ciidamada shisheeye ee degan Jabuuti.
Waxaanu ugu horayntii hadalkiisa ku bilaabay sidan“Wax badan oo faan ah hadaan la odhanayan waxii aan islahaa wadanka way utaraysaa ama waajib ahaa ee igu aadanaa waan qaldami karaa waanan gaabin karaa laakiin waxaan is leeyahay wadan la qiimeeyo oo Afrika,Carabta iyo Islaamkuba oo la dhagaysto oo dadkiisana dhibaatooyin dhaqaale ha haystaane hadana soo toosaya ayaan isleeyahay wad jogta.
Madaxweyne Ismaaciil oo la waydiiyay inay jiraan khaladaad uu sameeyay intii xilka hayay ayaa ku jawaabay”Way jiraan oo dadkaan u yeeshay aaminaada sare oo dhibaatooyin dalka soo gaadhsiiyay ayaa ka mid ah kuwaan is leeyahay waad ku qaldantay oo waxay ahayd in markiiba aan madaxa ka qabto ama aan iska ilaaliyo ayay ahayd, wadanku kaligii ma noola ee deegaan aad ku nooshay ayaa jira oo raadayn ayay kugu samaynayaan waxii hareerhaaga jiraa, sidaad uga dhex guuri lahayd ee dalkaaga aad uga badbaadin lahayd dhibaatooyinkaa soo gaadha wadamo kale ama dhacdooyin.”
Madaxweynaha oo hadalkiisa sii wataa waxa uu yidhi”Halka aanu ka soo bilownay iyo halka aanu joogno iyo mucaarad yidhaahda dawlad way qaldantay waanu aragnaa, dawladu ma jirto mucaarad yidhaahda anagu ma ogin kaasna isaga uma haysano mucaarad, waxaas waanu kugu dhaliilayaa waxaasna waad samaysay ayaan fahmayaa oo aan u haystaa dad ka qaybgalaaya horumarkiin iyo dhismahii wadanka, kuwanise iyaduba wali waxay baranayaa mucaaradadu waxy tahay,waxay leeyihiin dimuqraadiyadu waa siday Faransiiska iyo Barasalis ay ku arkeen fawdada iyo isdhexyaaca aniguna waxaas ma yeelayo, qof siyaasad lagu xidhay iyo mid la dilayba ma hayno, qof rayigiisa inta gurigiisa loogu tagayna ma hayno, waxaasina waa xurmada qofka aadamaha ah, marka uu muwaadin yahayna kaba sii daran, laakiin haduu damacsan yahay qas iyo meeshaas ayaan doonayaa ka kac oo aniga ayaa ku fadhiisanaaya uu hadalkiisu yahay lama yeelayo ee waxa uu doonayo ha yidhaahdo oo waxa uu doonayo haysku sawiro oo waxa uu doonayo hawdiro faranjiga, laakiin anagu waxaanu yeelayno maaha, dadka madaxda ah iyo shacabkuba waxaanu ka midaysanahay inaan dalka ka badbaadino dibaatooyin oo aanu ka badbaadino qas, waxaanu ku noolnahay ee hanti ah waa nabada iyo deganaashaha, hadii qofkii aadamaha ahaa ee ganacsiga lahaa ee dalka ku nool ama shisheeye aha ahaado ama sokeeyee aanu ka badbaadi karin in meeshiisii la dhaco in dariiqa lagu dilo oo la dhibaateeyo, hadaanu hubin inuu dalka ku noolaanayo nabad iyo xasilooni anigu waxaan meesha ka samaynaayo ma garanaayo oo waajibaadkayga ugu horeeya weeye, markaas maxaa lagu odhan mucaaradbaa hadli hebel ayaa hadli waxba igagama jiraan, shacbigana waxaan ugu dhaartay inaan nabad iyo xasilooni aan u keeno oo badbaadiyo siday nolashoodu u dhantahay ka miskiinka ah iyo ka wax haystaba.”
Madaxweye Geele oo la waydiiyay dhaqaalaha ay ku qabaan ciidamada shisheeye ee degan jabuuti waxa uu yidhi”Dakhligu macne uu leeyahay ma jirto markad aad xisaab ahaan eegto