Inkastoo gabiley ay ka mid tahay gobolada dalka ee ugu bulshada badan isla markaana ay ka soo jeedaan aqoonyahan aad u tiro badan oo caan ka ah dhulka soomaalidu dagto iyo ardayda ugu badan ee jaamacadaha dalka dhigata ama ka qalinjabiyay hadana waxay tahay ayaandarada ka jirtaa waxaa madax ka ah dhamaan laamaha dawlada ee gabiley masuuliyeen marti ku ah gobolka oo ka soo shaqo tagey deegaano kale oo ka durugsan gobolkan gabiley ku darsoo aqoonyahankii tirada badnaa iyo dhalintii ka soo qalin jabisay jaamacadaha dalka ee gobolka u dhalatay waa wada bilaacamal .
Bulshada ku dhaqan gabiley ayaa noqotay mid la qabatintay arintan oo hadiiba aad booqato magaalada waxaa dhegahaaga ku soo duulaya waar ninku waa madax oo marti ayuu inoo yahay ee ha la daayo
Uma socdo ama kuma abaarni badhasaabka cusub ee dhawaan loo magacaabay gobolka maxaa yeelay tani waa mida kaliya ee ay gabiley kala simantahay gobolada dalka ee madaxweynuhu isku bedalay badhasaabadooda balse waxaan ka hadlayaa madaxda laamaha dawlada ee gobolka .Arintani inkastoo ay jirtay maamuladii iyo xukuumadihii tan maanta ka horeeyay hadana haatan waxay gaadhay heerkii ugu sareeyay waxaana intii xukuumada xisbiga kulmiye talada haysay ku soo batay gabiley masuuliyiinta loo soo magacaabayo laamah dawlada gabiley ee ka soo jeeda beesha madaxweyne siilaanyo iyo marwadiisa
AKHRISTE: ha u qaadan inaad akhriyayso qormo uu qalinka u qaatay Nimaan ogolayn isdhex-galka bulshada ama ruux cunsiri ah balse akhriste adigaba aan ku waydiiyee dhaqan soo jireen ah ayaynu leenahaye wali sheeko iyo shaahid miyaad ku maqashay marti sooryo mooyee iyadii talo laga martiyay?? Hadaba waa kuwan liiska laamaha dawlada ee gabiley ee ay martidu madaxda ka tahaye bal adba!! :
- Badhasaabka gobolka gabiley
- Taliyaha qaybta booliska bobolka
- Taliye xigeenka qaybta booliska gobolka gabiley
- Taliyaha taraafikada gobolka gabiley
- Taliyaha laanta socdaalka gobolka gabiley
- Taliyaha saldhiga gabiley
- Maamulaha baanka gabiley
- Xisaabiyaha guud ee gobolka
- Maamulaha kastanka kalabaydh
- Maamule ku xigeenka kastanka kalabaydh
- Qasnajiga kastanka kalabaydh
Inkastoo ayna intaa ku koobnayn balse qormooyinka dambe ayaan ku faahfaahin doonaaye hadaan maanta halkaa ku joojiyo akhriste! Kumaa ii sheegaya gobolka kale ee somaliland ku yaala ee intaaasoo laamood ay suurto gal ka tahay inay martiyi madax ka noqoto?
Arintani waxay guud ahaan gobolka gabiley dhaxalsiisay dib u dhaca weyn ee ka jira xaga horumarka iyo hoos u dhaca ku yimid xaga amniga gobolka iyo dhaqaalaha faraha badan ee gobolka ka soo baxa oo aan wax saamayn ah ku lahayn suuqyada gobolka maxaa yeelay madaxdan martida ah ayaa u badan rag solane ah oo inta badan adeega zaad uun isticmaala
Sikastaba ha ahaatee isku soo wada duuboo miyaanay reer gabiley qabanayn baydkii hadraawi ku lahaa MARTI ADIGU HA U NOQON,MADASHAAD KA TAHAY ODEY sababta keentay arintan ayaan wali jawaab sax ah loo hayn xukuumada madaxweyne siilaanyona waxayba u noqtay fursad waxaana gabiley madax looga soo dhigaa hadba ninka beesha madaxweyne siilaanyo ah ee dib udajin lagu samaynayo oo ku soo dhogor gooya gabiley gebogebada waxay tahay su,aasha iswaydiinta mudani ma reer gabileybaan maamulka aqoon mise gabiley baa ah ninkeed cuna maxaa madax uga dhigay marti? Mooyi! Bal adba!!!!
WERIYE:CABDIKARIIM MUXUMED CADDE (QAAMUUS)
GABILEY