Waxaynu ka Warqabnaa in Jaamacadda Hargeysi bixiso Qareenno loogu talo galay inay ku Caawiso Dadka Dulman ee aan Awoodi Karin in ay Qareenno Qabsadaan, balse waxa dhacday in Qareennada qaarkood Arrintan si Xun ugaga Faa’iidaysteen, halkay Xaqa ka difaaci lahaayeenna ku Burburiyaan Caddaaladda iyo Xuquuqda Shaqsiyaadka la Dulmiyey, Waxaynuna tusaale u soo Qaadan karnaa Dacwadda Kufsiga ah ee Lambarkeedu yahay MRH/DDRL/57/2012, ee ay ku Eedaysan yihiin Saddex Eedaysane oo Inan (Gabadh) yar oo aan Qaangaadh ahayn si wada Jir ah u Kufsaday.
Qareen C/Naasir Muxumed Shide oo kamid ah Qareenada Xafiiska Adeegga Sharci ee Jaamacadda Hargeysa, Waxa uu Difaacaa Sadexda Eedaysane ee Inantan yar Wada Jirka u Kufsaday, Waxaana Jirta in labo kamid ah Eedaysanayaashan ay Dhaleen Ganacsato Caan ah, taasi oo Meesha ka Saaraysa in ay yihiin Dad Sabool ah.
Waxa kale oo la Xusid Mudan In Qareen C/Naasir Mushar ku Qaato u Adeegidda iyo ka Caawinta Dadka danyarta ah ee aan Looyar Qabsan Karin ee Jaamacadda Hargeysa.
Waxa intaas Dheer in Qareen Cabdi Naasir uu Hortaagan yahay Markasta iyo goorkasta in Dacwaddan la soo Afjaro oo uu ka soo Baxo Xukun Caddaalad ku Dhisan, iyadoo uu markasta Dibin daabyo iyo turunturayn ku yahay Dacwaddan, sababtoo ah mar waxa uu duraa Garsooraha Dacwadda ku Qoran, marna Waxa uu Wakhtiga ku Lumiyaa Dood aan Dacwaddaba Khusayn oo aan Macno iyo Nuxur Sharciyeed midna soo Kordhinayn, Waxaanu in badan u doodaa eedaysanayaasha Mid uu Wakaalad ka haysto iyo Mid aanu Wakaalad ka haysan si uu Maxkamadda ugu Mashquuliyo oo ay ugu Jawaabto ku Ekaw Cidda aad Qareenka u tahay iyo wax lamid ah , taasi oo uga Jeedo Wakhti lumis, Maalmaha qaarkoodna wakhtigu kaga dhaco Maxkamadda Dhexdeeda.
Haddaba, Jaamacadda Hargeysa Waxaan Waydiinayaa Arrimahani ma Qaar aad kuwada Socotaanbaa Jaamacad ahaan iyo Qareenadu, hadiise aanay Jaamacaddu kula Socon Maxay Arrintan Wax uga Qaban la’dahay oo Sumcad Xumada Qareenada Jaamacadda ee ku Magacaaban Xafiiska Adeegga Sharci wax uga Qaban la’dahay, Waxa Kale oo aan Jaamacadda Weydiinayaa, Qareenadiinu Ma waxay u Doodaan Dadka Xuquuq dad kale ku tuntay, sida Kufsi iyo Wax lamid ah?.
Waxa Hubaal ah in haddii aanay Tallaabo ku haboon ka Qaadin Jaamacadda Hargeysi Arrimaha kor ku Xusan, iyo kuwo kale oo aanay haboonayn in aan Saxaafadda u soo bandhigno in Magaca Jaamacaddu Burburi doono, taasi oo Dhibaato ku ah Jaamacadda iyo Bulshada Reer Somaliland ee tacabka badan galisay.
Wabillaahi Tawfiiq.
Hooyo/Ruun Aadan Cumar.