Burco (SLpost)- Ciidamada Booliska ee RRU ayaa xalay saqdii dhexe weerar Hubaysan ku soo qaaday Guriga uu ka deganyahay magaalada Burco Shiikh Siciid Axmed Jaar oo ka mid ah Ganacsatada Gobolka Togdheer Waxaanay ciidankani si xooga ugu daateen hoyga uu deganaa sheikh siciid Axmed Jaar kuwaasi oo si xooga ugala soo baxay guriga ilaa haatana aan loo warhaynin meel ay u kaxaysteen sheekh siciid Axmed Jaar
Hawlgalkani oo socday mudo saacado ah ayaa waxay sidoo kale ciidanka RRU dy Hujuumeen Guryo kale oo ka agdhaw aqalkani laga soo qabtay sheikh Siciid Axmed Jaar kuwaasi oo ay kala baxeen caruur 3 oo uu dhalay sheekh maxamuud Xagar kuwaasi oo sida ay wararku sheegayaan ay waayeen wadaadkaas laf ahaantisa ay doonayeen in ay gacanta ku dhigaan waxaana sidoo kale iyana jira xubno isugu jira wadaado iyo kuwa kaleba ay meelo kala duwan ka soo kala qabteen waxaanay Xalayto ay u noqotay dadwayanaha xaafadahaasi inay ka ladiwaayeen rasaasta iyo gaalabaxa ciidankani oo hanjaado xoogan u gaysanayay haweenka iyo caruurta ku nool xaafadahaasi,
Hadaba subaxnimadii shalay mar aanu booqanay xaafada uu ka dhacay baadhitaankani ayaa waxa ay faah-faahin ka bixiyeen habka ay hawl-galkani u fuliyeen ciidamada RRU du iyagoona sheegay in aanay ahayn wax caadi waxaanay sheegeen inay guriga dhinaca kale ay ka rogeen qaateena wixii guriga yaalay,
Dhinaca kale taliyaha ciidanka police-ka ee gobolka togdheer gashaanle Axmed Xasan C/raxmaan (ilkacase) oo wax laga waydiiyay hawl-galkani ay habeenkii xalay ahaa ay fuliyeen ciidamada RRU ayaa tilmaamay inuu lamid yahay hawl-galadii hore ay u samayn jireen ciidanka amaanku balse buu yidhi la soo dayn-doono cidii lagu waayo danbiga lagu tuhun sanyahay
Waxaana Ilaa Haatan la ogayn sababta rasmiga ah ee keentay hawlgalkani maahana markii ugu horaysay ee wadaadkani ay badh tilmaameed ka dhigtaan ciidanka Booliska ee Somaliland balse badhtamihii sanadkii 2009 ayaa hawlgal noocani oo kale ahi uu sababay khasaare dhaawac ka dib markii uu wadaadkani iska difaacay weerarkaasi ciidanka booliska waxaana garnaqsi dheer oo dhex maray xukuumada iyo wadaadkani uu ku soo gabagaboobay guul iyo is afgarad iyadoo xiligaasna guud ahaanba danbiyadii lagu haystay wadadkani lagu waayay .Waxaana mudooyinkii ugu danbaysaba caado u noqotay ciidamadani RRU da inay mirasho ku qabqabtaan qaar kmida culimada gobolka togdheer iyo waliba dadyaw kale kuwaasi oo aan dhamaantoodba waxay galabsadeen aaanay jirin
Ugu Danbayntiina magaalada burco ayaa iyadu ah mid si wayn looga hadal hayo arimahani ay ciidamada RRU du mudooyinkii ugu danbayayba ka wadeen magaalada burco walaw ay jiraan dhaqdhaqaaq iyo abaabul xoogan ay galayaan beelaha ay ka soo jeedaan culimadani habeenkii xalay laga qabqabtay Gudaha Magaalada Burco.
Somalilandpost.net
Burco/Somaliland