Ceerigaabo (SLpost)-Gudoomiyaha xisbiga wadani Mudane Cabdiraxmaan Maxamed Cabdilaahi (Ciro) oo maalmihii ugu dambeeyay socdaalku marayay gobolka sanaag ayaa maanta Gaadhay deegaano ay ka mid yihiin dayaxo , Doonyaha iyo goob oo ugu yaraan afartan kiiloomitir dhinaca waqooyi Glabeed kaga began magaalada ceeriaabo.
Socdaalkan oo ay Gudoomiye Ciro ku wehelinayayeen xubno isugu jira hogaanada gudiga fulinta , haweenka Xildhibaano ,cuqaal iyo masuuliyiin kale ayaa daaranaa ukuurgalida hawlaha deewaangalinta doorashooyinka ka socda gobolka sanaag waxaana halkaas kusoo dhaweeyeen dadwayne tiro badan oo lulaya caleemo qoyan iyo calanka xisbiga wadani niyad kuwaasi oo ay ka muuqato taageerada ay u hayaan xisbigiisa.
Dadwaynaha halkaas ku soo dhaweeyay ayaa dhamaantood tibaaxay inay tageersanyihiin xisbiga wadani isla markaana ay ka rajaynayaan inuu noqdo mid gobolka sanaag iyo guud ahaan Somaliland ba u horseeda horumar dhaliyana isbedel tisqaada oo ku dhisan cadaalad.
DHanka kale xildhibaanada iyo xubnaha waftiga wehelinayay ciro ayaa dhankooda ka dareenceliyay soo dhawaynta balaadhan ee loo sameeyay waxaaana ay sheegeen inay aad ugu farax sanyihiin inay u yimaadaan bulsho u heelan isbedel ka tisqaada Somaliland iyagoo intaa raaciyay inuu xisbigoodu diyaar u yahay dhamaan qodobada ay dadwaynuhu tibaaxeen iyo horumar kasii balaadhan inay dalka gaadhsiiyaan iyagoo dadwaynahana ugu baaqay inay ka qayb qaataan diiwaan galinta ka socota gobolka
Sidoo kalena Gudoomiye ciro oo halkaas ka hadlay ayaa ugu horayba u mahadceliyay sida diiran ee loosoo dhaweeyay isaga iyo waftiga uu hogaaminayo isla markaana ugu baaqay inay doorka ugu wayn kaqaataan isbedelka loo baahanyahay inuu dalka ka dhaco
‘’Odayaasha ,Cuqaasha , Haweenka iyo DHalinyaradaba aad ayaanu idiinku mahad celinaynaa sida Balaadhan ee aad noosoo dhawayseen,waxaanu idiinku nimi in aanu ogaano oo u kuurgalo sida ay u socdaan hawlaha diiwaan galintu, waxaanu aad ugu faraxsanahay in ay goobtani tahay goob si aada laysugu diiwaan galinayo,,
Gudoomiye ciro ayaa dadwanaha ku booriyay inay isdiiwaan galiyaan si ay u helaan adeegyada ay xaqa ugu leeyihiin dawlada iyo xaqa ay uleeyihiin inay doortaan cidii majara u qabanlahay , isagoo dhanka kalena sheegay inay xisbiga wadani hadii uu guulaysto uu horumari doono dhamaan adeegyada aas aasiga ah isagoo haday tahay dalaga dhulka kabaxa iyo xoolaha noolba