Tog-wajaale (SLpost)- Guddoomiyaha Degmada Tog-wajaale Xaashi Muxumed Cabdi, ayaa markii u horeysay si toos ah u Weerarey Guud ahaanba Warbaahinta Maxaliga ah ee Somaliland isagoo ku sheegay in aanay habayraatee u Wanaagsaney Guud ahaanba Qaranimada dalka, Shaksi kasta oo Masuul ah iyo Umada Reer Somaliland dhamaanteed, iyadoo aan la garaneyn sababta uu weerarkaasi u ekeysiiyay Warbaahinta Madaxa Banaan ee Somaliland.
Guddoomiyaha Degmada Tog-wajaale Xaashi Muxumed Cabdi oo maanta hadal dheer ka jeediyay Munaasibad Xilka loogu kala Wareejinayay Xoghayihii hore ee D/hoose ee Degmada Tog-wajaale Faysal Maxamed Cumar iyo Xoghayaha cusub ee xilka kala Wareegay Cabdi-Naasir Xasan iyadoo maalimihii u dambeeyay ay Qaar kamid ah Dadweynaha iyo Ganacsatada Tog-wajaale kaga cowdeen Warbaahinta in uu kula dhaqmey Guddoomiyihu Cadaalad daro iyo kala Jecleysi Bulshada dhexdeeda ah waxaana kamid ahaa hadaladiisii.
“Doorashada dhacdey hadey Galdaloolooyin yeelato lagama waayo wax kasta oo dhaca in uu Galdaloolo yeeshaa waa wax iska caadiya oo ilaahay uunbaan khaldamin sidaa daraadeed waxa loo baahan yahey hadey Galdaloolo Timaado sidii Cashar looga baran lahaa ee Maalinta dambe looga faa,ideysan lahaa ayaa Qurux badan sidaa daraadeed Warbaahinta fara badani ee had iyo jeeraale laga sii daayo dhacdooyinka iyo wararka dan inoo ma aha Qarankeenana dan uma aha aniga Shaqsiyana dan inoo ma aha umadna dan inoo ma aha Dhulka hala dhigaan leeyahey Waxqabadkaa Wajaale hadii dhab looga hadlayo cida sababteeda lihi waa Gudida Hurumarinta, cidii aan ogeyn ayaan u sheegayaa kuwa ogina wey ogyihiin, Xoghayaha Cusubna Waxaan leeyahay Sidii Faysal kuugu soo faahfaahiyay ee Wadajirka ah ee bila khilaafka ah ee wada tashiga ah ee si wax loo wada arkayo ayaanu kusoo shaqeyneyney adigana taasaan kaa rajeynayaa, Gudida Hurimarintana Waxaan leeyahey waan idiin ognahey Waxqabadkiina iyo halkaad nagaga jirtaan idinka oo Tabaruc Wada oo Dedaalaya oo dantiinii iyo Shaqadiinii Dhulka soo dhigay in Waliba fadeexad iyo Xagxagasho idiin Dheer tahey halkuu Faysal idiin yidhi ayaan ana idin leeyahey waan idiin ognahey waanan idiin ogaan doonaa Idinkuna Gurigaagii ayaad ka shaqeynasaane hadey Dhibaato kugu soo gaadho, Reer Wajaale waxaan u sheegayaa Shey Dhibaato Weyn inagu haya waana Khashinka oo aanu Meel U Sameynay khashinka wadada lagu soo daadinayo Ganaax ayaan kusoo Rogeynaa,”ayuu yidhi Gudoomiyaha Degmada Wajaale Xaashi Muxumed.
Waxa kale oo Gudoomiyihu ka hadley Arimihii Doorashooyinkii D/hoose ee dalka ka qabsoomay dhawaan, oo uu ku tilmaamay in Goldoloolyin badani jireen iyadoo aan la garaneyn sababta uu ugu soo halqabsadey waxaanu Gudoomiyaha Wajaale, dhaliiley raga Hogaanka u ah Xisbiyada Qaranka ee Ucid Wadani iyo Kulmiye oo uu ku tilmaamay in ay Qabyaalad ku asteeyeen Xisbiyadooda.’
Somalilandpost.net/Office
Gabiley, Somaliland