Hargeysa(SLpost )-Guddoomiyaha xisbal-xaakimka Somaliland ee KULMIYE Md. Muuse Biixi Cabdi, ayaa magacaabay xilal cusub oo ay ku jiraan qaar ka mid ah guddoomiyayaasha gobollada iyo xubno ku soo kordhay madaxda xarunta dhexe ee xisbiga.
Guddoomiye Muuse Biixi, ayaa wareegto uu soo saaray shalay waxa uu ku magacaabay guddoomiyayaash KULMIYE ee shan ka mid ah gobollada dalka, halka laba masuul oo kale loo kala dhiibay warbaahinta iyo xidhiidhiyaha gobollada ee xisbiga.
War-saxaafadeed oo uu ku saxeexan yahay Guddoomiyaha KULMIYE oo lagu baahiyey magacaabistaasi, waxa uu u dhignaa sidan;
“Ku: Amiin Muuse Xirsi Gabiley
Ku: Xasan Cabdillaahi Xirsi Burco
Ku: Axmed Ismaaciil Jaamac Borama
Ku: Maxamed Cawad Faarax Ceerigaabo
Ku: Axmed Maxamed Daadey Laascaanood
Ku: Saalax Muxumed Idiris xarunta dhexe ee xisbiga
Ku: Cali Jaamac Maxamed Xarunta dhexe ee xisbiga
Og: Sahal Aadan Maxamed Burco
Og: Muuse Carab Dugsiiye Awdal
Ujeeddo: Magacaabid xilal
Laga bilaabo maanta oo ay taariikhdu tahay 01/09/2015, waxa loo magacaabay xubnaha hoos ku qoran mid walba xilka ku hor qoran.
- Amiin Muuse Xirsi – Guddoomiyaha Gobolka Gabiley
- Xasan Cabdillaahi Xirsi – Guddoomiyaha Gobolka Togdheer
- Axmed Ismaaciil Jaamac – Guddoomiyaha Gobolka Awdal
- Maxamed Cawad Faarax – Guddoomiyaha Gobolka Sanaag
- Axmed Maxamed Daadey – Guddoomiyaha Gobolka Sool
- Cabdillaahi Maxamuud Guray – Guddoomiye-ku-xigeenka Gobolka Sool
- Jaamac Dheeg Cartan – Xoghayaha Gobolka Sool
- Saalax Muxumed Idiris (Shiine) – Xidhiidhiyaha (Co-ordinator) Gobollada iyo xarunta Dhexe ee xisbiga KULMIYE
- Cali Jaamac Maxamed – Madaxa warbaahinta (media) ee xarunta xisbiga KULMIYE.
Guddoomiyayaashii horena waxa looga mahadcelinayaa sidii wanagsanayd ee ay noola soo shaqeeyeen, iyaga oo soo gali doona xarunta dhexe ee xisbiga.”