Hargeysa (SLpost)- Komishanka doorashooyinka qaranka ayaa maanta kulan lagu gorfaynaayo qaabka qabsoomiyaddda doorashada golaha deegaanka la yeeshay saddexda xisbi qaran iyo sagaalka urur-siyaasadeed.
Kulan oo ahaa mid ay al-baabadu u xidhnaayeen ayaa markii uu dhamaaday waxay warbaahintu wax ka weydiiysay waxyaabihii laga wada hadalay qaar ka mid ah mas’uuliyiinta ururrada iyo xisbiyada qaranka oo sharaxaad ka bixiyay waxyaabihii ay labadooda dhinac ka wada hadleen, iyagoo sheegay in ay ujeedada ugu weyni ee kulankani la xidhiidhay sidii looga wada tashan lahaa qaabka ugu habboon ee ay u qabsoomi karaan doorashooyinka golaha deegaanka dalka .
Guddoomiye ku-xegeenka 1aad ee xisbiga Kulmiye Maxamed Kaahin Axmed oo kawaramay waxbaaha shirkan laga wada hadlay ayaa sheegay in kulankan ay kaga wada xaajoodeen habka ugu habboon ee loo qaban karo doorashooyinka golayaasha deegaanka ee dalka,isla markaana ay waxbadan iska waydiiyeen.
Sidoo kale waxay sheegeen masuuliyiinta ka socotay ururada iyo xisbiyada in laga wada hadlay sidii ay doorashadu ku dhicilayd inta ka horaysa dhammaadka sannadkan iyagoo intaas ku daray inay ka wadda xaajoodeen oo kale astaanta musharixiinta oo ku jirtay Xeerkii ay dhawaan Meel mariyeen Golayaasha Sharci dejinta ee Baarlamanka.
Cali Maxamed Yuusuf (Cali –gurey ) oo ka tirsan masuuliyiinta Xisbiga UCID kana qaybgalay shirkan maanta ayaa sheegay in ay aad uga xun yihiin su’aalaha dul-hoganaaya qabsoomidda doorashooyinka golaha deegaanka oo uu ku tilmaamay mid guul darro u muuqata in xukuumadda oo talada haysay muddo 2 sanno ah aanay wali ku guulaysan qabashada doorasho kaliya.
SOMALILANDPOST.NET
webmaster@somalilandpost.net