Salaamu calaykum, dhammaan saxaafada madaxa banaan iyo akhristayaasha ku xidhanba
Inkastoo musuqmaasuqa iyo qabyaaladuba ay xukuumadan siilaanyo ka noqdeen wax aan laga gaban ama masuulku kaba baqan inuu ku xilkiisa ku seegi karo hadana marba marka ka danbaysa waxaa soo baxaya waxyaabo cusub oo xukuumadan uun laga bartay balse aan xukuumadihii hore lagu Arki jirin, maantana ila wadaaga arin yaab leh oo afkiisa ka soo yeedhay Agaasime ka tirsan Wasaaradda duulista iyo hawada Waa Agaasimaha Maamulka iyo lacagta Xasan cali Bulaale bal an idiin soo gudbiyo siday wax u dhaceen.
Waxay ahayd goor danbe abaara 2dii duhurnimo ah anagoo ka qadaynayna hudheelka Emperial waxa dhinacayaga bidix soo fadhiistay saddex nin oo dhalinyaro ah oo midkood yahay Agaasimaha Maamulka iyo lacagta ee wasaaradda duulista iyo laba inan oo kale oo la socda, cabaar haday fadhiyeenba laba ka mid ah oo midkood Agaasimaha yahay ayaa wada hadlay midbaa hadalka ku horeeyey oo yidhi “Waar xasanow de ninka waad ka khaldanayd inader, haduu ku yidhi wasiirka ayaa lacag igaga soo kaa balamiyey maxaad u qancin weydey oo u odhan weydey inader lacag ma hayo ee isagii ku noqo, sow amar diidnimo kugu noqon mayso haduu iminka wasiirkii ku yidhaahdo inankii lacagtii wuu ii diidey waa ku side Agaasime inader shaqadaada ilaasho”. Agaasimihii ayaa Intuu cadho la kacay oo kor u qayliyey ayuu ugu jawaabey sidan “ haduu iga dacweeyo aniga wasiirku muxuu igu samayn karaa walaahi baanu kelmed ii weydiin Karin war aniga xilkan cidi ima keenin ee awoodayda ayaan ku imi, Gaadhiga aan iminka wato 8000 $ ayuu ku joogaa wuuna ku khasbanaa ,khasnada Airportka waxaan doono ayaan ka isticmaalaa, Agaasimaha guudna ninkaa arimihiisa ha hor istaagin ayuu ku yidhi oo wuu igu ballamiyey, haduu juuq yidhaahdo wasiirkaad sheegaysaa walaahi isagaa gubanaya walaahi, walaahi, sirta aan ka hayo miyaad ogtahay, faylal baan hayaa, oo coddad duuban baan hayaa, oo saxaafada u dhiibayaa walahi inuu ceebtiisa hargeysa ka carrari , hooyadii kuma dhacdo, hooyadii……hooyadii …haa haa ..“ dabaddeed intuu hareeraha eegay inankii hudheelka ku yidhi war de nasii qaddada qaddo miyaanad hayn, inankii saddexaad baa yidhi war xasan fadhiiso oo shaydaanka iska naar meeshu waa hudheel ee korna waad u qaylisay , dabadeed Agaasimihii baa fadhiistay oo intuu afka ku dhoweeyey nimankii ku yidhi “inader idinku ilmaadeeraday baad tihiine, wasiirku waa nin nugul oo ima taaban karo kadibna hadalkii hoos ayay u dhigeen…..
Yaab! Iyo Amakaag
Dabadeed ninkii aanu wada qaddaynayney ayaan ku jeestay oo ku idhi war Maxamed Cabdi nimanka ma garanaysaa wasiirkay sheegayaanse ma garanaysaa , dabadeed wuxu iigu jawaabey haa ninka dheer ee wasiirka sirta ka haya isku jaamacad baanu ahaan jirney waxa la yidhaahdaa xasan cali bulaale waana Agaasimaha wasaarada duulista iyo hawada , wasiirka uu sheegayaana waa wasiirka duulista iyo hawada Maxamuud Xaashi Cabdi wasiirkana waa isku beel weliba way is xigaan ayaan filayaa, Ninkani xirfad maamul malaha, aniguba waan la yaabana markii la magcaabay waxanse islahaa eexda iyo qabyaalada ayaa magcawday kkkkkkkkkkk kkkkk qosol iyo anfariir ka dib
Intaanu meeshii ka kacnay ayaanu xaga albaabka u dhaqaaqnay , ka dib markale dib u soo noqonay oo inankii ila socdey yidhi war ina soo celi de lacagtii biilkaba maynaan bixine Yaab! Yaabkiis Waa yaabab, kadibna waxan is weydiiney tolow maxay tahay sirta ninkani hayaa ee sidaa ugu hanjabayaa , waxa laga yaabaa inuu wax ka ogyahay lacagtii la lahaa Airportka ayaa laga lunsaday, haa waa laga yaabaa, oo coddadka duuban uu sheegayaana waa maxay ma guriga ayuu la degan yahay siduu uga duubay, ma sir xaafadeed baa , Mooyi………………la soco qaybaha danbe xogo iftiiminaya musuq, eex, iyo siro hoose oo aan idiinka hayno wasaaradda duulista.
By: NaasirXasan Magan
Naasirmagan05@hotmail.com