Bal aan markale xulo badwaynta qorraalada waliba dhinaca bulshada , maqaalkeenana waxaan maanta ku xasuusan doona hooyada bal qadar daqiiqada ah aan maanka iyo maskaxda ku yar qabano hooyo hooyo hooyo marka aad dhadhamiso erayga ama dhegahaaga soo gaadho maxaad dareenta ?
tusmadeenan waxaan ku lafa guri doonaa hooyada iyo kaalinta ay Qoyska, bulshada, iyo qarankaba ay kaga jirto hooyadu ilayn waa lama huraanoo waa rays udgoone balse ka hor aan idin xasuusiyo heestii caanka baxday ee hooyo ee uu ku qadayay maxamed saleeban tubeec islamarkaana uuu ku faro yaraystay abwaan maxamed warsame HADRAAWI .
Marka aad nin hoogiyo
Ka hortagga dagaalkoo
Dabkaa hura bakhtiyoo
Garta hubin yaqaanoo
Xaqa hoos u Eegoo
Halistiyo Colaadaha
Ku hagoogta dhiigoo
Dadka kala Hagaajoo
Kal haga Dhashabaa
HOOYO LAGU XASUUSTAA
HOOYO LAGU XAQDHAWRAA
Hooya adu waa udub dhaxaadka nolosha . waana lafdhabarta isu hinjisa ama tageerta waarida iyo jiri taanka Qoyska , Qaranaka iyo guud ahaanba caallamka .fahanka kowaad ee Nolosha dhadhan iyo macaanka u yeesha waana warshada soo saarta aadamaha oo waxa dunida korkeeda lagu uumay kuwa ugu qaalisan . waxay ababisaa Hooyadu Aaabaha iyo hooyada mustaqbalka ,Haweenka waa baadi sooca bulshada ku majiirato waxaana aasaas iyo gundhig u ah Hooyada , haggaaga iyo xumaanta kasta oo soo gaadha aadamaha Hooyada ayaa saamayn togan iyo mid tabanba ku yeelata doc kasta oo nolosha ha ka joogee.
Hooyadu waxay door lama ilaawana ka qaadatay ama ka ciyaartay ababinta, koolkoolinta, toosinta tusmaynta iyo taakulaynta nolosha aadamaha , waxayna fikir iyo howl badan gelisaa hadd iyo jeer siddii ilmaheedu uu noqon lahaa mid hami iyo himilo dheer oo hilin toosaan marra Hantana mustaqbalka dheer ee sugaya .Doorkoodaasi toolmoon ee nolosha ayaa ka dhigtay hooyada mid marwalba la xasuusto oo laga dhigto hal hays aan marnaba afka iyo adinka laga qaadin cabbirkeeda iyo cugashadeedana aan la miisaami karin .
Waxaan markhaati u baahnayn in hooyadu ay leedahay hanti ay marwalba dugsato taas oo uu alle swc ku manaysta karti wax-qabad, waana Hadhac qabow oo la hadhsado collaad iyo Nabad, adayg iyo fudayd, farxad iyo naxdin,xannuun iyo caafimaad wax walba oo aad nolosha kaga sugantahay
Hooyadu waa macallinka iyo maamulaha ugu mudan hiddo ahaan amaba dhaqan madhxinta qoyska iyo bulshada , tan iyo hadii lagasoo bilaabo xilligii ay uurka qaaday ilaa inta ay ifka ina keenayso waa ay inoo dhibaatoota hooyadu waxayna marwalba heegan u tahay siddii ay inoo habi lahayd ababin , lahayd waxayna u tafo xaydataa siddii ay inoo carbin lahayd iyo layliga nolosha si aan u anba qaadno nolol wanaaggsan iyo kasoo dhalaalida kaaalinta wanaagsan ee mustaqbalka hooyadu waxay ina siisaa iftiimisaa oo ay ina sii bartaa hannashada nolosha iyo xilalka ina sugaya ee u bahan barashadeeda iyo baadi goobkeeda ee dadaalka ku dhafanyahay , waxanan ilaawi doonin in hooyaday tahay maandhaye had iy jeerna waxay iga caawisaa dhibkasta iyo xaaladkasta oo adag oo ilasoo darrista . waan u ogahay diwaanka way ugu jirtaa tacabka iyo tabta toosan ee ay igu soo barbaarisay
Haaddaba hooyadu waxay leedahay astaame badan oo aan ku xasuusano marwalba iyo goorkasta kuwaasi oo ah hooyadu waxay leedahay Qiime, Qadarin,Ixtiraam, Daacadnimo,Xafidaad, beer nugayl,dulqaad, dhibirsanaan, caawimo,iyo ku dayasho fiican .
waxaan ku soo afmeeraya Inta u jeel qabta siddayda oo kale hooyada ee dareemaysa kaalinta hooyada ee ku furan ama ku baanaan sidda uu nabbigeenu yidhi CSW jannada waxay hoos taala caga hooyadiin ee qofka hooyadii nooshahaw ka ducayso hooyada si aad jannada u gashid inta bilaa hooyada ahna waxaan leeyahay marwalba u hibeeya una akhriya QUR’AN una duceeya waxa laga yabaa inaad nasiib u heshid ducadooda waayo walladka saalixa ahi waa cidda keliya ee dunnida uga damaanad qaadaysa wallidka wixii khayra ee uu sameeyo .waxaan kusoo gunaanadayaa heestii qiimaha badnayd ee abwaan Maxamed Ibraahim Warsame ‘Hadraawi” ee Hooyada oo tuducyo ka mid ah ay ka mid ahaayeen:
“Dusha kaa huwinayaa,
Hooyo Dhimashadaaduna
Hoogeyga waayee,
Waligay hogaagaan
Ka dul heesayaayoo
Hiyiga iyo Laabtaan
Kugu haynayaayoo
Hangal baan u xidhayaa
Inta haadda duushiyo
Idil habar dugaageed.
Ifka Hibo Ku Nooloow
Aakhiro Halkii Roon”
W/Q MOHAMOUD AREB ABDI (SABUUB)