London (SLpost)- Raysal-wasaaraha Ingiriiska Boris Johnson, ayaa sheegay in uu aad uga murugooday dabka galaaftay suuqii ugu waynaa Somaliland ee Waaheen, isagoo sheegay in dowlada Ingriisku gacan ka gaysan doonto dib u dhiskiisa.
Raysal-wasaare Boris ayaa qoraal uu ku baahiyay bartiisa Twitterka ku sheegay in ay murugo galisay in uu arko dhibaada uu dabku u gaystay suuqa Waheen ee Hargaysa, isaga oo sigaar ah u xusay dhibka gaadhay ganacsatada ku caydhoobay.
”Waxaa i murugo galisay in aan arko khasaaraha ka dhashay dabka ka kacay Hargaysa ee khasaaraha intaa leeg u gaystay suuqan furan oo ahaa wadnaha dhaqaalaha magaalada, kaasi oo saameeyay ganacsiyo yar yar oo badan”, sidaas ayuu yidhi Boris Johnson.
Saddened to see the aftermath of the fire in Hargeisa with such destruction in the open market that is the economic heart of the city, affecting many small and family enterprises.
Your city will rise again and the UK will do what we can to support Somaliland’s rebuilding effort.
— Boris Johnson (@BorisJohnson) April 2, 2022
Waxa uu sheegay in Hargeysa dib loo dhisi doono isla markaana ay dowladiisu gacan ka gaysan doonto dib u dhiskeeda, waxaanu yidhi, “Magaaladiinu dib ayay u soo noolaan doontaa, UK-na waxay qaban doontaa wixii ay awooddo inay ku taageerto dedaalka dib u dhiska ee Somaliland waddo”.
Masiibada dabka burburiyey Waaheen, waxa kale oo ka dareen-celiyey Masuuliyiin ka tirsan dowladda Ingriiska oo uu ay ka mid yihiin Wasiirka Arrimaha Dibadda UK Lis Truss, Wasiirka Arrimaha Afrika u qaabilsan UK, Vicky Ford, Wakiilka UK u jooga Somaliland Lizzy Walker iyo xildhibaano ka tirsan Baarlamaanka Ingiriiska.
Terrible news about the devastating fire in Hargeisa, Somaliland – it has now been brought under control.
The UK is working with the authorities and international partners to seek to provide support. My thoughts are with all those affected.
— Liz Truss (@trussliz) April 2, 2022
“Waa War naxdinta leh dabka khasaaraha badan geystay ee ka kacay magaalada Hargeysa ee Somaliland oo hadda lagu guuleystay in la xakameeyo.
UK waxay la shaqaynaysaa maamulka iyo saaxiibada caalamiga ah si ay taageero ugu raadiyaan taageero. Waxaan murugada la qayb-sanayaa dhammaan dadka ay saameeyeen.” Sidaas waxa tidhi Xoghayaha Arrimaha Dibadda ee UK Liz Truss.
Somalilandpost.net
contact@somalilandpost.net