Annaga oo ah Somaliland Diaspora Professionals (Europe Middle East and Africa), waxa aannu uga digaynaa Wasiir Xirsi cawaaqibta xun ee ka iman karta hawlgalka uu wado ee uu ku rabo in uu ku dhiso wadooyinka uu Somaliland is leeyahay dhagax dhig:
Marka hore waddooyinku waxa ay leeyihiin cilmi lagu eego oo loogu talogalay waddada habka ay u leexanayso, degriiga iyo cabbirka ay kor-u-kac iyo hoos-u-degga oo kulligood cilmi xisaabaad ah ku dhisan. Waxa cilmigan ku jira cilmiga habka isbeddelka xawaaraha, habsocodka gawaadhida kala duwan iyo cilmiga badbaadada waddooyinka.
Markaa waddadan Berbera – Hargeisa waxa ay dhaaftay oo dhamaaday xisaabaadkii lagu dajiyay markii ay mari jireen 50 gaadhi maalintii, waxana ay u baahnayd in si fiican baadhitaan loogu sameeyo oo la dajiyo habka ay waddo qaadaysa gawaadhida maanta iyo kuwa 20-ka sano ee soo socda loo diyaariyo.
Tani waa hawshii la siiyay shirkadda Yurubta ah ee Xirsi ku hor joogsaday ninka la yidhaahdo Paul Smith xarunta madatooyada badhtankii Oktoobar 2012 markii loo shaaciyay in waddada shirkad yurub ah ay EU-du siinayso.
Haddii maanta sidaas uu xirsi waddada ku sii wado waxa ka dhalanaya xawaadis/aksidhanno badan oo waddadu sababayso, in xawaaraha ay gawaadhidu kordhiyaan iyaga oo iswaydaaranaya oo laalaabadkeeda loogu talo galay in ugu badnaan lagu wado xawaare 80km/h ah.
Ta labaad, waxa sharciga baal marsan in uu shirkad qof leeyahay uu kontraad ku siiyo waddooyinka iyada oo aan Tender lagu samayn. Tani waxa ay sii xoojinaysaa kalsooni darrada loo qabo dawlada uu maamulo Xirsi iyo madaxtooyadiisaba.
Shirkadda Hono group waa shirkaddii lacagta badan ku cuntay airportka ee galisay wax 1 milyan ka yar iyada oo aan lagu kordhin 1 guri iyada oo garoonkana “1 layer” uun la saaray.
Sida kale waxa 200 oo kun oo dollar ay ku qaateen waddada madaxtooyada hor marta iyada oo aan marnaba sida xorta ah ee sharcigu dhigayo la soo dhigin xarunta qandaraasyada ee Somaliland.
Waxa aannu Dawladda Somaliland ka codsanaynaa in ay xaqdhawraan sharciyada dalka oo ay si caddaalad ah ugu shaqeeyaan dalkooda.
SDP EMEA
—————————————————————————————————
Somailand Diaspora Professionals waxa isku kaashaday khubaro u dhalatay dalka oo meelo sarsare kaga jira shaqooyinkooda adduunka ay ka hayaan. Waxa ay xubnahayagu ka hawlgalaan UK, Germany, Holland, France, Denmark, Italy, Qatar, Saudi Arabia, Egypt, Ethiopia, UAE.