Cairo (SLpost)- Dadweynaha dalka Masar ayaa saaka u dareeray goobaha cod bixinta, si ay u soo doortaan Madaxweyne cusub, iyadoo doorashadani ay noqonayso tii ugu horaysay ee madaxweyne-nimo ee dalkaasi ka qabsoonta tan iyo markii xukunka laga tuuray madaxweynihii hore ee Masar Maxamed Xusni Mubaarik.
Doorashadan haatan waxaa u taagan oo ku loolamaya ilaa Saddex iyo toban musharax, waxaana la saadaalinayaa suura galnimada in wareega kowaad ee doorashada ay isugu soo hadhi karaan shan ilaa afar murashax,
Doorashadan madaxtinimada ee maanta ka bilaabantay dalka Masar waxa codkooda ka dhiibanaya ilaa 50 malyuun oo ruux , kuwaasi oo codkooda ka dhiibanaya todoba iyo labaatan gobol oo Qaahiri ugu dad badan tahay.
Cod bixinta doorashada ayaa waxa ay dalkaasi ka socon doontaa Maanta iyo burrito , iyada oo natiijada doorashadana lagu wado inay soo baxdo sagaal iyo labaatanka bishan May oo ah waqtiga ay u xadideen inay natiijadu soo baxdo guddiga sare ee doorashooyinku. Hadiise murashaxiinta doorashada ku loolamaya midkoodna gaadhi waayo inuu helo 50% codadka la dhiibtay,waxay noqonaysaa in wareeg labaad la qabto, taasi oo loo qorsheeyey in dadka Masaarida ah ee dibadaha ku nooli ay wareega labaad codeeyaan saddexda ilaa sagaalka bisha Juun, dadweynaha Masaarida ee dalka gudihiisa joogaana ay codayn doonaan 16 ilaa 17- isla bisha Juun.
SLpost News