Aqoonyahanka Bulshadeenu horta Ma yahay Mid Cilmi-baadhis Xeeldheer ku sameeya Qeybaha Aqoontiisa, Nolosha, Taariikhda iyo Casharada laga Barto waayo Aragnimada bulshada.si Aynu u barano una Sameyno Cilmi-baadhis ma Keliya waxa aynu rabnaa Dhibaato iyo Carqalado jira oo u baahan in Xalkooda si qoto dheer loo daraaseeyo Mise Nolosheena oo dhan Ayaa u baahan In Cilmi-baadhis loogu baxo.Cilmi-baadhistu Nolosheena ayey caawineysaa,Tagtada,Timaatada iyo Aminta la Joogaba ayey Ayeynu Aragtiyo lagu wajaho ama lagaga dabaasho u Heleynaa.Baadhida iyo Daahfurida Aqoon iyo Cilmi cusub oo Guuleysta ayeynu Sahamineynaa.Tijaabooyin iyo isku dayo Dhinaca horumarka loo qaado laguna guuldareysto ayaa mar kale Guul laga gaadha lagu ilaawo Niyadjabkii hore.Barashada iyo Fahanka Ahmiyada waxa aynu baraneyno ayaa ah mid Wakhti fog ka dib la garwaaqsado.
Aqoonyahanka bulshadeena ee Garaadka badan,iyo Ardeyga waxbarashada ku Jira ee loo Aqoonsadey in uu yahay Mid Fikir,Dedaal iyo Karti Taclineed koobsadey ayey tahay in ay Bilaabaan kuna talogalaan in ay Bulshadooda ka caawiyaan Hirgelinta aasaas iyo bilow Xarumo Cilmi-baadhis ku shaqeeya.Maskaxda Caqliga badan iyo Fikirka wanaagsan ee ku Jira qaar ka mid ah Aqoonyahanku waa mida dhiirigelineysa in la casriyeeyo lana helo Natiijo cusub oo wanaagsan oo la xidhiidha qeybaha kala duwan ee shaqada iyo Nolosha.Cilmi-baadhistu waxa ay Jidka u xaadhaa wax soo saar intii hore ka kordha iyo in Tayada nolosha bulshada kor loo qaado.Isku xidhnaanta Xarumaha waxbarasho,Xafiisaadka shaqada iyo Warshaduhuna waa Mid suurtagal ka dhigta in hadba meesha baahida loo qabo la garto loona badiyo Da,yarta soo baxeysa.
Xarumaha Cilmi-baadhista ee Bulshadeenu maaha weli kuwo u hanaqaadey sidii la rabey,23 sanno ka dibna weli si Qallafsan oo Jaahilnimo ah Ayeynu isbedelada uga hor imaneynaa.Bulshadeenuna Dhamaanteed waa wada Aqoonyahan Mid kasta aan la sixi karin.Tixgelinta Takhasuusaadka ayaan weli helin Abaalmarintii Rasmiga aheyd.Qeyb kasta oo Bulshadeena ka mid ah ayaa ku Xadgudubtey Masuuliyadihii iyo Xuquuqihii asaasiga ahaa,haddana in la saxo ayeyba ka sii Cadhoonayaan.
Dawladeenu ma laha Xafiisyo iyo Dugsiyo lagu barto kuna Hawlgala arimaha Cilmi-baadhista ka hor Waxbarashada iyo ka Dib waxbarashada intaba.Dhiirigelinta shaqooyinka la xidhiidha Cilmi-baadhista ayaa bulshadeena ku yar,aqoon hadal iyo Afka ah oo Qoraalku ku yaryahay,fikir yar iyo Dedaal iyo karti kooban ayeynu rabnaa in aynu ku gaadhno Quruumo 2o Qarni inaga horeeya.Miisaaniyad,Shaqaalle iyo Agab lagu tayeeyo Hirgelinta iyo Kor u qaadida Heerka Cilmi-baadhiseed ee Bulshadu waa mid ay tahay in Xukumadu Talada ku darsato.
95% Dadka Bulshadeenu waa kuwo Jaadka Cuna,Wakhtiga ugu badan ee Noloshaaduna wuxuu ku Dhamaadaa Habeen iyo Maalin Raadinta iyo Cunida Jaadkaasi,Dhaqaalle culus oo Adag laguna Qiyaaso 2 Million lacag ku dhow Ayaana maalintii Jaad lagu cunaa,Dhinaca kale Xafiisaadka Dawlada waxa laga Rawaxaa 12ka Duhurnimo Intooda badan iyada oo Fadhi Jaad lagu sii socdo,Dadkaasi Maxaa horumar ka soo socda ayaad isleedahay.Xukumaduna marna ma ka fekirtey Qorshe Balwadaha dadka lagaga joojiyo Mise in sidaasi la ahaado ayey ka doorbideysaa.
Abdifataah Mahamed Ahmed
Ceelaabe_10@Hotmail.Com
La soco ……………..