Hargeysa (SLpost)- Shirkadda Qalabka Dhismaha iyo Xafiisyada ee ALNuuR Furniture ayaa abaal-marinno kala duwan gudoonsiisay qaar ka macaamiishooda oo nasiibka u helay inay ka faa’iideystaan Fursad shirkaddu ugu magac-dartay ‘Maalinta Qoyska’, iyada oo marka ay iibsadaan hal shay bilaash ku helayay shay kale oo dheeraad ah, sida: Flat Screen, Qasaalad dharka ah, ama Talaagad.
Shirkadda ALNuuR Furniture ayaa ujeeddada ay ka leedahay maalinta farxadda Qoyska ee Gu’ga waxa weeyaan madhxinta jeebka macmiisha, iyo kordhinta farxaddooda, sababta oo ah waxa lafdhabar u ah ganacsiga Shirkadda Qoysaska.
Madaxa suuqgeynta ee Shirkadda ALNuuR Furniture Cabdiqani Maxamed Xuseen oo ka hadlayay u-jeeddada maalinta Qoyska, ayaa waxa uu yidhi, “ Maalinta Qoyska 15 April waa maalin ay dadku soo dhaweeyeen oo ay ku diirsadeen, waxaana weeyaan xilliga Gu’ga oo madhxinta jeebka macmiisha, iyo kordhinta farxaddooda, sababtoo ah waxa laf-dhabar u ah ganacsiga Shirkadda Qoysaska.Arrintana sanad-walba waanu sameyn doonaa.”
Deeqa Jaamac Nuur oo ahayd gabadh reer Jabuuti ah oo nasiib u heshay abaalmarino kala duwan Maalinta Qoyska 15 April 2015-ka, ayaa waxa uu yidhi, “Waa ii farxad ah inaan nasiib u helay oo aan ku guuleystay abaalmarinno kala duwan, waxaanan iibsaday Fadhi oo waxaan abaalmarin u helay Screen Flat, waxaan iibsaday cunto oo waxaan helay Qasaaladdii dharka lagu meydhayay, arrintanina waa qiimo dhimis balaadhan,waxaanan uga mahad-celinayaa shirkadda ALNuuR Furniture fursaddan qaaliga ah ee ay noo samaysay, markaa waxaan ugu duceynayaa shirkadda ALNuuR Furnire ILAAHAY ha barakeeyo waanay naga farxisay ILAAHAY ha ka farxiye”.
Sidoo Kale, Ibraahim Cali Xuseen oo isna ka mid ahaa dadkii abaal-marinta ka faa’iideystay, waxaanu yidhi, “Arrintan Ay Shirkadda ALNuuR Sameysay waa arrin way, maaha uun qiimo dhis uun ee waa maalgelin weyn oo ay ku sameysay guryaha, waana muhiim wakhtiga ay ku beegtay oo ah wakhtiga Gu’agu soo galayo, ‘Waan ka aqbalnay magaca loo bixiyay ee ah Maalinta Qoyska, Waxaan leeyahay Shirkadda ALNuuR faa’iido uun nagama deydo ee wax ayay nagu soo celisay, wanaan ku faraxsanay.”
Saado Qaasim Xaashi oo iyaduna abaalmarino kala duwan nasiib u heshay ayaa waxay tidhi,“Waxaan iibsaday fadhi,Cunto iyo Hurdo, waxaanan abaalmarin u helay Qasaalada dharka,Screen Flat iyo talaagad, markaa waan ku faraxsanay saddexda shay ee aan abaalminta u helay,Shirkadda ALNuuR-na waan uga mahad-celinayaa, waxaanan leeyahay Shirkadaha kalena inay ku daydaan ALNuuR oo ay dadka wax ku soo celiyaan.”
Somalilandpost.net