Abwaan Yuusuf Cismaan Cabdille (Yuusuf-Shaacir) oo ka mida Suugaanyahanada sida weyn looga tix-galiyo gayiga Somalida ayaa tiriyey Gabay cusub oo uu ugu baroor-diiqayo Abwaankii caanka ahaa ee C/laahi Macalin Axmed (Dhoodaan) oo 26/04/2013 ku geeriyooday magaalada Harar ee dalka Itoobiya.
Gabaygan baroor-diiqda ah ayuu Abwaan Yuusuf-Shaacir ku iftiiminayaa kaalintii qiimayha badnayd ee Marxuum Abwaan Dhoodaan kaga jiray dhaqanka iyo Fanka Somalida Iyo waliba foogaha la isweydiinayo cidda buuxin doonta ee uu banneeyey Abwaan Dhoodaan Ilaahay naxariistii Janno haka waraabiyee. Waxaanu Ilaahay uga baryey inuu Qabriga u nuuro, Jannooyinkiisa sarena uu ku arsaaqo.
Waxaanu ku bilaabay sidan:
Aduunyada wax kaa dhididiyaa kama dhamaadaane
Dhismaheeda weeyaan inaad dhiila maqashaaye
Dharaaraba nin nool bay u tahay dhibiyo aa faade
Dhabaal keedu caawana si buu dhiif u leeyahay ye
Dhagidiiday weeyaan war kaa haatan soo dhacaye
Dhacantii la qaadaba huraw dhinac banaanaaye
Dadii gabayga dhoodaan ka baxay ama kadheeraaday
Dhawaaqii libaaxiyo hadaan dhidibadii waayay
Dhoomaha aqoontiyo markay dhaadashada joogto
Dhaydiyo karuurkii hadaan dhaax la shubanayni
Dhirtu magaca dhuuxaw kasiman kalase dhaadheere
Dhoobada ilaah baa kadhigay ruuxba dhalankiise
Wayeel la dhawriyo qaryaan dhiiran baa tagay ye
Dhaqankiyo hidihii aan jeclaa waa dhitinayaaye
Hal iidhiman halaan layba dhigin halal kaloo dhuuntay
Hal dhaawade halaan dheewadiyo halaan ku dhiiftoomay
Hal dhacsiga halaan dhaacan jiray dhaabadiyo xeerka
Dhama a iyo dhuyaalkiyo markaan dhuuga xidhanaayay
Dhulkaygiyo abwaankii yiqiin shayba dhaqankiisa
Ama dhacarta jiilaal wakhtiga dheegaw garanaayay
Dharaartuu lahaa iyo xaqaa dheelmad soo galay e
Ilaahay dhibaabaha qabriga hawga dhigo nuur
Dhulka aan ku foororo tashigan igu dhanaanaaday
Ama aan u dhawrsaday cabdiw dheeman baan tabaye
Dhan u ciiryay u dubkii dhigaha dhaaxaha hayn jiraye
Dhoomihii cuslaa iyo xilkii igu dharaarawye
Sidii galaw daruur dharagtay iyo dhibic kayaabaaya
Dhaawaca dabeetiyo ka baqay gawre dhaxameede
Dhaayaha ninkii laga ridaa dheehashada diiye
Dhoodaan tu saaluu ahaa dhaqan ku jeeraaye
Dhalinyaro tahriibtiyo haween doorshay dhalankooda
Dhadadiyo hu maaguu lahaa haw dhagtaagina e
Dhaxal lagu nagaadiyo af kuu dhaabadayn jiraye
Alaylehe cad ceedbaa dhacdiyo damalki dheeraa
Dhamacdiyo qiyaamaha ilaah dheegsan kugu beegye
Dabi dhaafna kuu raaciyo dhawris gooniyehe
Dhacadiid la jiifiyo qabrigu dhaadan kuu noqoye
Dhadhankii fardawsiyo janada dharag laguu siiye
Aduunyada waxdhaameyo ilaah kuu dhitee sharaf’e