Burco (SLpost) Abwaanka Weyn Caanka ah Maxamed Ibraahin Warsame (Hadraawi) ayaa Maalmihii ugu danbeyey ku xanuunsanayey Magaalada Burco ee Gobolka Tog-dheer, kadib markii uu dhawan ka soo laabtay Socdaal uu ku tagay Dalka Ingiriiska.
Abwaanka oo Qaar ka mid ah Warbaahintu ku wareysteen Gurigiisa magalada Burco ayaa ka hadlay Xaaladiisa Caafimad isaga oo sheegay in cafimaadkisu aad u fiican yahay.
![[DAAWO] – Waraysi Dhinacyo Badan Taabanaya oo SOMALI CHANNEL la yeeshay Abwaan Maxamed Ibraahim Warsame (Hadraawi)](https://somalilandpost.news/wp-content/plugins/speedycache-pro/assets/images/image-palceholder.png)
Waxaanu yidhi. “Waan Xanuunsanayaa, runtii xanuunkaasi oo ah mid aan la yaabay oo ah mid dhulku uu ila a wareegayo, wakhtigan waan ladanahay dawooyina waan qaatay, Computerna waa laysaaray waxana lay sheegay in Xanuunkani aanu ahayn mid halis ku ah cafimadkayga, Lakiin illahay ayaa caafimadka haya illahay uunba og sidda ay waxnoqondoonan.”Ayuu yidhi.
Abwaanka ayaa la waydiiyey in Sababata Xanuunkani uu yahay mid ku qotoma safarada dhaadheer oo uu caalamka ugu baxo iyo waliba qudbada dhaadheer ee uu jeediyo waxaanu yidhi.
Waxaanu yidhi. “Bini’aadamku waa iska diciif, dee qofka noloshiisa in uu isbanbaaniyo oo uu isilaaliyo, nasto, dee naftu waa ku amaano ee uu ilaaliyo, laakiin waa dhab in dee socdalada iyo hadalada badan ee aan jeediyo kulanada ay ka mid tahay arrintan oo dee aan anigu caado u leeyahay wixii layga bahdo haddii aan xanunsayo in aan fuliyo, oo dee waxaad moodaba in aan nafta kalifayo oo aan galiyey dardar badan.”Ayuu yidhi
Somalilandpost.net
Burco